ഇന്നത്തെ തീയതി :

Sunday, October 7, 2012

ഉയിര്‍ത്തെഴുനേല്‍ക്കുന്ന വെസ്റ്റ് ഇന്‍ഡീസ്.

എണ്‍പത്തഞ്ചില്‍ ടി വി യില്‍ കളി കാണാന്‍ തുടങ്ങുന്ന കാലത്ത് എങ്ങനെ തോല്പ്പിക്കും എന്ന് മറ്റു രാജ്യങ്ങള്‍ തല പുകഞ്ഞ് ആലോചിച്ചു കൊണ്ടിരുന്ന ടീം ആയിരുന്നു വെസ്റ്റ് ഇന്‍ഡീസ്. ഗ്രീനിഡ്ഗും ഹെയിന്‍സും ഓപ്പണ്‍ ചെയ്തിരുന്ന ഇനിംഗ്സ് റിച്ചി റിച്ചാഡ്സണ്‍, കുള്ളനായ ലോഗി തുടങ്ങിയവരില്‍ നിന്ന് മഹാനായ വിവിയന്‍ റിച്ചാര്‍ഡ്സില്‍ എത്തുമ്പൊഴേക്കും ഒരു വിധം ബൗളര്‍മാരും മടുത്തു തുടങ്ങിയിരിക്കും. ഡീന്‍ ജോണ്‍സ് എന്ന കീപ്പറും കൂടി കഴിഞ്ഞാല്‍ ബാറ്റ്സ്മാന്മാര്‍ കഴിഞ്ഞു.... അത്രയും ആയിക്കിട്ടിയാല്‍ രക്ഷപെട്ടു.. പിന്നെയുള്ളത് ഹോള്‍ഡിംഗ്, ആംബ്രോസ്, മാര്‍ഷല്‍, ഗാര്‍ണര്‍, വാല്‍ഷ്, പാറ്റേഴ്സണ്‍ തുടങ്ങിയ പാവം ബൗളര്‍മാര്‍...


ഇനി ഇവരെയെല്ലാം ഔട്ട് ആക്കി ഇന്നിങ്സ് തുടങ്ങുമ്പോള്‍ ആദ്യം എത്തുന്നത് കുറ്റിത്താടിയുമായി ഒരു സൈഡില്‍ നിന്നുള്ള റണ്ണ്പ്പുമായി മാര്‍ഷല്‍. പുറകെ അജാനുബാഹുവായ ഗാര്‍നര്‍, ആംബ്രോസ്... പോരേ... ഇവരെ കാണൂമ്പോള്‍ മുട്ടിടിച്ചു നില്‍ക്കുന്ന ബാറ്റ്സ്മാന്മാര്‍ എല്ലാ ടീമുകളിലും ഉണ്ടായിരുന്നു..

ഇന്നിപ്പോള്‍ T20 നേടിയ വെസ്റ്റ് ഇന്‍ഡീസ് ടീമിനെ കാണൂമ്പോള്‍ പഴയ കാലത്തേക്ക് തിരിച്ചു പോക്കാന്‍ ഈ ടീമിനു കഴിയുമോ എന്ന് ഓര്‍ത്തു പോയി. പഴയ കാലത്തേക്ക് പോയില്ലെങ്കിലും വെസ്റ്റ് ഇന്‍ഡീസ് ക്രിക്കറ്റിനു ഇതൊരു തുടക്കമാകട്ടെ എന്ന് ആശംസിക്കുന്നു.

Popular Posts

സന്ദര്‍ശകര്‍ വന്ന വഴി