ഇന്ന് രാവിലെ ഞങ്ങളുടെ ഇളയ മകന്‍ ആദര്‍ശ് (അച്ചു) ഹരിശ്രീ കുറിച്ചു. അവന് ആദ്യാക്ഷരം പകരാനുള്ള ഭാഗ്യം എനിക്കായിരുന്നു. അബുദാബിയില്‍ ആയിരുന്നതിനാല്‍ ഞാനും ഭാര്യയും കുട്ടികളും മാത്രമേ ചടങ്ങില്‍ പങ്കെടുത്തുള്ളു. നാട്ടിലായിരുന്നെങ്കില്‍ കുറച്ച് കുടുംബാംഗങ്ങളും കൂടി കണ്ടേനെ.
അവിടെ ആയിരുന്നെങ്കിലും വീട്ടില്‍ വച്ച് തന്നെ ആയിരുന്നേനെ ചടങ്ങ്. എനിക്കും എന്റെ അനിയനും ഹരിശ്രീ കുറിച്ചത് എന്റെ അച്ഛന്‍ തന്നെയായിരുന്നു. എന്റെ മൂത്തമകനും ആദ്യാക്ഷരം കുറിച്ചത് അച്ഛന്‍ തന്നെയായിന്നു. ഇന്ന് അച്ഛന്‍ ഇല്ല. അതിനാല്‍ ആ കര്‍മ്മം ഞാന് തന്നെ നിര്വഹിച്ചു. അതല്ലേ അതിന്റെ ഒരു ശരി?
എന്തോ ടി.വി-യില് കാണുന്ന തരത്തിലുള്ള എഴുത്തിനിരുത്തിനോട് ഒരു യോജിപ്പില്ല.
Thursday, October 9, 2008
അച്ചുവിന്റെ ഹരിശ്രീ
Subscribe to:
Post Comments (Atom)
Popular Posts
-
ബീമാപ്പള്ളി എന്ന പേരില്‍ ഒരു ബ്ലോഗ് ഞാന് സ്ഥിരമായി വായിക്കുന്നുണ്ട്. അതില്‍ കമന്റ് ഇടാറില്ലായിരുന്നു. അതില്‍ കമന്റ് ഇടാന്‍ മാത്രം എന്നെ സ്വ...
-
പലയിടത്തും പല ബ്ലോഗിലും കമലാ സുരയ്യയ്ക് ആദരാഞ്ജലികള്‍ അര്‍പ്പിച്ചു കൊണ്ടുള്ള പോസ്റ്റുകള്‍ കണ്ടു. ചിലയിടത്ത് അവരുടെ ജീവിതത്തെ പറ്റിയുള്ള വിശക...
-
എന്നും കണികാണുവാന്‍ കുട്ടികളുടെ കബന്ധങ്ങള്‍ ഒരുക്കി തരുന്ന ഇസ്രയേയി കൊലയാളികള്‍ക്കെതിരെ ചെറുവിരല്‍ അനക്കാന്‍ തയ്യാറാകാത്ത കപട ലോകമേ ലജ്ജിക്ക... -
ദിവസവും പല പ്രാവശ്യം പരസ്യത്തില്‍ കേള്‍ക്കുന്ന ഒരു വാക്കിനെ പറ്റി സംശയം തീര്‍ക്കാന്‍ പത്തു വയസ്സുകാരന്‍ മകന്‍ അമ്മയോട് ചോദിച്ചു "കോണ്ടം...
-
കഴിഞ്ഞ പോസ്റ്റില്‍ ( ഹിന്ദു പുരാണങ്ങള്‍ക്ക് അംഗീകാരം !!! ) ചര്‍ച്ച നടന്നതില്‍ നിന്ന് എനിക്ക് തോന്നിയത് ഇതൊക്കെയാണ്. ഭവിഷ്യപുരാണത്തെ പറ്റി ...
-
ഇന്നലെ ചാനലുകളില്‍ കണ്ട പൊങ്കാല എന്ന മഹാമഹം വളരെ കൗതുകം ഉണര്‍ത്തുന്നു. ഭക്തി എങ്ങനെ വാണിജ്യവല്‍ക്കരിക്കാം എന്നുള്ളതിന്റെ വ്യക്തമായ തെളിവു നല...
-
ഏഷ്യാനെറ്റ് “ഐഡിയാ സ്റ്റാര്‍ സിംഗറില്‍” നിന്നും കഴിവുള്ള പാട്ടുകാര്‍ പുറത്തു പോകുന്നു എന്ന് തോന്നിയിട്ടുണ്ടോ? ഉണ്ടെങ്കില്‍ അവര്‍ പറയും അത് ...
-
ചാന്ദ്രയാന്‍-1 , INDIA's First Mission to Moon ഇന്ത്യയുടെ ചന്ദ്രയാത്രാ പദ്ധതിയുടെ ഭാഗമായി മനുഷ്യരില്ലാതെ വിക്ഷേപിക്കുന്ന ആദ്യ പേടകം(ഉപക...
+copy.jpg)
40 comments:
ഇന്ന് രാവിലെ ഞങ്ങളുടെ ഇളയ മകന്‍ ആദര്‍ശ് (അച്ചു) ഹരിശ്രീ കുറിച്ചു. അവന് ആദ്യാക്ഷരം പകരാനുള്ള ഭാഗ്യം എനിക്കായിരുന്നു. അതല്ലേ അതിന്റെ ഒരു ശരി?
എന്തോ ടി.വി-യില് കാണുന്ന തരത്തിലുള്ള എഴുത്തിനിരുത്തിനോട് ഒരു യോജിപ്പില്ല
ആദ്യാക്ഷരം കുറിച്ച് അറിവിന്റെ ലോകത്തേക്ക് കടക്കുന്ന ഈ കുരുന്നിന് എന്റെ എല്ലാവിധ ആശംസകളും...
എല്ലാവിധ ആശംസകളും അറിയിക്കുന്നു.
ഹരിശ്രീ കുറിച്ച് അറിവിന്റെ ലോകത്തേക്ക് കടക്കുന്ന അനില്‍ശ്രീയുടെ പുത്രന്‍ അച്ചുവുന് ആശംസകള്‍!
അച്ചുമോന് എല്ലാവിധ അനുഗ്രഹങ്ങളും നേരുന്നു. മോന്‍ പഠിപ്പിലും വിവേകത്തിലും കാര്യപ്രാപ്തിയിലും ഒന്നാമനാകട്ടെ,അതോടൊപ്പം സഹജീവികളോട് സ്നേഹവും കാരുണ്യവും നിറഞ്ഞവനും കൂടിയാകട്ടെയെന്ന് ആശംസിക്കുന്നു.
ആദ്യക്ഷരം കുറിച്ച അച്ചുമോന് ഒരു ഉമ്മ കൂടി ഈ കുഞ്ഞനമ്മാവന്‍ തരുന്നു.
ഇവിടെ വരികയും എന്റെ മകനെ അനുഗ്രഹിക്കുകയും ചെയ്ത
paarppidam ,
അനില്@ബ്ലോഗ് ,
മണി വാതുക്കോടം,
കുഞ്ഞനമ്മാവന്‍ ...... എന്നിവര്‍ക്ക് അച്ചുവിന്റെയും അവന്റെ അമ്മയുടെയും ചേട്ടന്റെയും പേരില്‍ നന്ദി അറിയിക്കുന്നു.
അച്ചുമോന് ആശംസകള്‍.
പനച്ചിക്കാടിനടുത്ത് വീടായിട്ടും വീട്ടില്‍ത്തന്നെ എഴുത്തിനിരുത്തിയത് അത്‌ഭുതം തന്നെ. പണ്ടും അവിടെ ഇന്നത്തെപ്പോലെ തിരക്കായിരുന്നോ? :-)
വിജയദശമി ആശംസകള്‍
അച്ചുമോന് എല്ലാവിധ നന്മകളും വിദ്യകളും ഉണ്ടാകുവാന്‍ വാണീദേവിയുടെവ്‌ അനുഗ്രഹം ഉണ്ടാകട്ടെ എന്ന് പ്രാര്‍ത്ഥികുന്നു.
ഓടൊ എന്നെ എഴുതിച്ചത്‌ എന്റെ ചേട്ടനായിരുന്നു. ഇതുപോലെ തന്നെ
ആശംസകള്‍
തറവാടി/വല്യമ്മായി
ആദര്‍ശ്‌മോന്‍ മിടുക്കനാവട്ടെ
Education is developing the skills.
skills to talk, to read,to express & to get along. Educate to live and let live.Educate to love self & others...
My blessing & prayers to Aadarsh
ആശംസകള്‍..
മോന്‍ ഭാഗ്യവാനാണ്‌. എത്രയോ പേരുടെ അനുഗ്രഹാശിസ്സുകള്‍ ഇതിനോടകം ലഭിച്ചു കഴിഞ്ഞു
“സരസ്വതി നമസ്തുഭ്യം
വരദേ കാമരൂപിണീ
വിദ്യാരംഭം കരിഷ്യാമി
സിദ്ധിര്‍ ഭവതു മേ സദാ.”
അനിലില്‍,
അച്ചുമോന് നന്മകള്‍ നേരുന്നു.
അറിവിന്റെ നിറകുടമാകാന്‍ ആശംസകള്‍.
Bindhu Unny
ഇന്‍ഡ്യാഹെറിറ്റേജ്‌
വല്യമ്മായി /തറവാടി
പൈങ്ങോടന്‍
മാണിക്യം
ബൈജു സുല്‍ത്താന്‍
ലതി
കുമാരന്‍
അച്ചുവിനെ അനുഗ്രഹിച്ച എല്ലാവര്‍ക്കും, ഒരിക്കല്‍ കൂടി നന്ദി.
ബിന്ദു, ഞങ്ങള്‍ ഇപ്പോള്‍ അബുദാബിയില്‍ ആണ്. നാട്ടിലായിരുന്നെങ്കിലും ഈ ചടങ്ങ് വീട്ടില്‍ തന്നെയായിരുന്നേനെ.
ആദ്യാക്ഷരത്തില്‍ നിന്ന് അനവധി അക്ഷരങ്ങളിലേക്കുള്ള യാത്രയ്ക്ക് അച്ഛന്‍ കൈപിടിച്ചുയര്‍ത്തുന്ന അച്ചുവിന് എല്ലാവിധ ആശംസകളും
അക്ഷരങ്ങളെ മേയ്ക്കാന്‍ തുടക്കം കുറിച്ച
അച്ചുവിന് ആശംസകള്‍
ഒന്നാം ജന്മ ദിനം രണ്ട് ദിവസങ്ങള്‍ക്ക് മുന്‍പ്
ആഘോഷിച്ച എന്റെ കിച്ചുമോനും ഇന്നലെ എന്റെ
പപ്പയോടൊപ്പമിരുന്ന് അക്ഷരം കുറിച്ചുവെന്ന് ഇന്ന് ഞാന് ഫോണ്‍ചെയ്തപ്പോള്‍ അറിഞ്ഞു. പേപ്പറിനും
പേനയ്ക്കും വാശിപിടിക്കുന്ന അവനോട് എന്റെ പപ്പയ്ക്കു തോന്നിയ കൌതുകം.എന്നാല്‍ പിന്നെ വിദ്യാരംഭ ദിനമല്ലേ ഞാനിവനെ എഴുതിപഠിപ്പിക്കാമെന്ന് പറഞ്ഞ് അവന്റെ മുത്തശ്ശന്‍ അതങ്ങ് നിര്വഹിച്ചു. പിന്നെ അവന് സ്വയം പുതിയ അക്ഷരങ്ങള്‍ ഒരുപാട് രചന നടത്തി. അവന് എഴുതാന്‍ വലിയ ആവേശമായിരുന്നെന്നാ കേട്ടത്.
എഴുത്തിനിരുത്ത് ആശംസകള്‍..
എന്തുകൊണ്ടാണ്‍് ടി.വി. യില് കാണുന്ന എഴുത്തിനിരുത്തിനോട് യോജിപ്പില്ലാത്തത് ?
Sarija N S
കനല്‍
മിടുക്കന്‍ .. ആശംസകള്‍ക്ക് നന്ദി..
കനല്‍.. ആചാരപ്രകാരം രണ്ടര വയസ്സു കഴിഞ്ഞ കുട്ടികളെ ആണെന്ന് തോന്നുന്നു എഴുത്തിനിരുത്തുന്നത്.
മിടുക്കന്‍.. പലരും പലയിടത്തും പറഞ്ഞുകഴിഞ്ഞതാണ്. ഞാനും പറഞ്ഞിട്ടുണ്ട്. എങ്കിലും പറയാം. കണ്ടുകാണും എന്ന് കരുതുന്നു. തിക്കി തിരക്കി വിയര്‍ത്തൊലിച്ച് മുമ്പോട്ട് കമഴ്ന്നു വീഴാന്‍ നില്‍ക്കുന്ന മാതാപിതാക്കള്‍, ഒരു ചടങ്ങുമാത്രമായി ദക്ഷിണക്കുവേണ്ടി എഴുതിക്കൊടുക്കുന്ന ആചാര്യന്മാര്‍ അതിനിടയില്‍ കരഞ്ഞ് നിലവിളിക്കുന്ന കുട്ടികള്‍, അതില്‍ എത്രപേര്‍ ഹരിശ്രീ എഴുതുന്നതും പറയുന്നതും മിടുക്കന്‍ കണ്ടിട്ടുണ്ട്? രാജീവിന്റെ ഈ പോസ്റ്റിലെ കമന്റുകളില്‍ കൂടി ഒന്നു കണ്ണോടിക്കൂ..
:)
അമ്പലത്തിലും പള്ളിയിലും, തുഞ്ചന്‍ പറമ്പിലും എഴുത്തിനിരുത്താം, തിരക്കില്ലങ്കില്‍ ..
അപ്പൊ ടി.വി യില് കാണിക്കുന്ന പരിപാടിയോട് യോജിപ്പുണ്ട് ....അത് വിസ്തരിച്ചും വിശദമായും ഒക്കെ ചെയ്യണമെന്ന് മാത്രം .... അല്ലേ ?
എന്നു മാത്രം അല്ല, മത, സാഹിത്യ പുരോഹിതര്‍ ഈ കര്‍മ്മം നിര്‍വ്വഹിക്കുന്നതിനോട് എതിര്‍പ്പും ഇല്ല എന്നും കൂടി ഉണ്ടോ ?
മിടുക്കന്‍... പറയുന്നതൊന്നും നേരെ ചൊവ്വേ മനസ്സിലാക്കില്ല എന്ന നിര്‍ബന്ധം ഉണ്ടോ? ആ പരിപാടിയോട് യോജിപ്പുണ്ട് എന്നാണോ ഞാന് പറഞ്ഞതില്‍ നിന്ന് മനസ്സിലായത്? സ്വന്തം അച്ഛനോ, അമ്മയോ അപ്പൂപ്പനോ അമ്മൂമ്മയോ ഇത് ചെയ്യുന്നതിനോടാണ് എനിക്ക് താല്പര്യം. അത് പോസ്റ്റില്‍ തന്നെ മനസ്സിലാക്കാവുന്നതെ ഉള്ളു. "അവിടെ ആയിരുന്നെങ്കിലും വീട്ടില്‍ വച്ച് തന്നെ ആയിരുന്നേനെ ചടങ്ങ്." എന്ന് എഴുതിയിരുന്നത് കണ്ടില്ലേ?
ദേഷ്യപ്പെടല്ലേ...!
നേരെ ചൊവ്വെ മനസിലാകാത്തത് കൊണ്ടല്ലേ ?
അപ്പോള്‍,
* എഴുത്തിനിരുത്തിനോട് യോജിപ്പുണ്ട്. അതിന്റെ ആചാരങ്ങളോടും കര്‍മ്മങ്ങളോടും ഒക്കെ യോജിപ്പുണ്ട്. അതൊക്കെ നല്ലവണ്ണം മനസ്സിലാക്കിയിട്ടുമുണ്ട്.
* എഴുത്തിനിരുത്തന്നത്, പൊതു സ്ഥലത്ത് (അമ്പലത്തിലോ, പള്ളിയിലോ, തുഞ്ചന്‍ പറമ്പിലോ...... ) നടത്തുന്നതിനോട് തീര്‍ത്തും യോജിപ്പില്ലെന്ന് മാത്രമല്ല. അത് തീര്‍ത്തും സ്വകാര്യമായിരിക്കണം എന്ന് നിര്‍ബ്ബന്ധമുണ്ട്.
* കാര്‍മ്മികന്‍/കാര്‍മ്മിക ആയി കുട്ടിയുടെ കാര്‍ന്നോന്മാരില്‍ ആരെങ്കിലും ആവണം, കാരണം മത സാംസ്കാരിക സാഹിത്യ പുരോഹിതര്‍ ദക്ഷിണയ്ക്കായി അത്മാര്‍ത്ഥമല്ലാതെയാണ് എഴുത്തിനിരുത്തുന്നത്.
ഇത്രയും ഞാന് മനസ്സില്ലാക്കിയത് ശരി തന്നെ ആണല്ലോ ?
എങ്കില്‍,താങ്കള്‍ക്ക് എങ്ങിനെ മനസ്സിലായി, ഒരു ചടങ്ങുമാത്രമായി ദക്ഷിണക്കുവേണ്ടി എഴുതിക്കൊടുക്കുന്നവരാണ് ആചാര്യന്മാര്‍ എന്ന് ?
ഒരു തോന്നല്‍ മാത്രമണോ അത് ?
അവരുടെ ആത്മാര്‍ത്ഥതയെ അങ്ങ് എങ്ങിന അളന്നു ?
അതോ താങ്കളുടെ അറിവില്‍ ആചാര്യന്മാര്‍ എഴുത്തിനിരുത്തി ‘തലതിരിഞ്ഞു‘ പോയ ഉദാഹരണങ്ങള്‍ ഉണ്ടൊ ?
ബുദ്ധിമുട്ടായോ?
ബുദ്ധിമുട്ടൊന്നും ആയില്ല. ആചാരങ്ങളോടും കര്‍മ്മങ്ങളോടുമുള്ള പ്രതിപത്തി കൊണ്ടല്ല. വിദ്യ എന്നത് പകര്‍ന്നു കൊടുക്കുന്നത് ഒരു നല്ല കാര്യമാണെന്ന് തോന്നുന്നത് കൊണ്ട്.
പക്ഷേ ബാക്കി ചോദ്യങ്ങള്‍ക്കൊന്നും ഉത്തരം പറയണം എന്ന് തോന്നുന്നില്ല. അത് എന്റെ വ്യക്തിപരമായ തീരുമാനം. കാരണം, ചോദ്യങ്ങള്‍ ഉത്തരങ്ങള്‍ അര്‍ഹിക്കുന്നു എന്ന് എനിക്ക് തോന്നുന്നില്ല. അത്ര തന്നെ.
കഷ്ടം. കേരളത്തിലെ മത/സാംസ്കാരിക/സാഹിത്യ പുരോഹിതര്‍ക്ക്, ഒരു ചടങ്ങുമാത്രമായി(ആത്മാര്ത്ഥത ലവലേശമില്ലാതെ), ദക്ഷിണ ലഭിക്കാന്‍ വേണ്ടി മാത്രമായി കുട്ടികളെ എഴുത്തിനിരുത്തേണ്ട ഗതികേട് വന്നല്ലോ. നന്നായി അനിലേ ഇവര്ക്കൊന്നും അഞ്ചിന്റെ പൈസ കൊടുക്കരുത്.
അയ്യോ കുതിരവട്ടാ .. ഞാന് പറഞ്ഞ ഒരു വാചകത്തില്‍ നിന്ന് അങ്ങനെ മാത്രം തോന്നിയോ? സാംസ്കാരിക നായകന്മാര്‍ മാത്രമേ താങ്കള്‍ക്ക് കണ്ണില്‍ വന്നുള്ളോ? മുകളിലത്തെ കമന്റില്‍ ഞാന് പറഞ്ഞല്ലോ, വിദ്യ പകര്‍ന്നു കൊടുക്കുന്നത് നല്ലത് തന്നെ. പക്ഷേ ഇന്നത് ഞാന് കണ്ടിടത്തോളം പലര്‍ക്കും ഒരു ചടങ്ങ് മാത്രമാണ്. എന്താ എനിക്ക് അങ്ങനെ തോന്നാന്‍ പാടില്ല എന്നുണ്ടോ? പല അമ്പലങ്ങളിലും ചെന്നു നോക്കൂ.. പതിനഞ്ച് - പതിനെട്ട് വയസ്സ് മുതലുള്ള "ആചാര്യന്മാര്‍" എഴുത്തിനിരുത്താന്‍ നിരന്നിരിക്കുന്നത് കാണാം. അവരാണോ താങ്കള്‍ ഉദ്ദേശിച്ച സാംസ്കാരിക നായകര്‍? നമ്മുടെ കവികളോ വേണ്ട ആചാര്യന്‍ എന്ന് കണ്ടാലെങ്കിലും തോന്നുന്നവരെ വേണ്ടേ ഇത്തരം ചടങ്ങുകളില്‍ ഇരുത്താന്‍? ഒരു സാംസ്കാരിക നായകനും കുറെ ശിഷ്യന്മാരും ഇരുന്നിട്ട് , എല്ലാ കുട്ടികള്‍ക്കും ഈ നായകന്‍ തന്നെയല്ലല്ലോ എഴുതി കൊടുക്കുന്നത്. ആണോ? എന്റെ കമന്റില്‍ സാംസ്കാരിക നായകന്മാരെ അല്ല ആചാര്യന്മാര്‍ എന്നത് കൊണ്ട് ഞാന് ഉദ്ദേശിച്ചത് എന്ന് തെളിച്ചു പറയട്ടെ.
ഉത്തരം എഴുതണ്ട എന്ന് കരുതിയതാണ്. എങ്കിലും .. ഇനിയും മനസ്സിലായില്ലെങ്കില്‍ അതെന്റെ കുറ്റം കൊണ്ടല്ല എന്നെങ്കിലും മനസ്സിലാകും എന്ന് കരുതുന്നു.
എന്റെ മുമ്പിലത്തെ കമന്റില്‍, * (സ്റ്റാര്‍) മാര്‍ക്കിട്ട് എഴുതിയത് താങ്കളുടെ വ്യക്തിപരമായ നിലപാടുകള്‍ ഞാന് എങ്ങിനെ മനസിലാക്കിയോ അതാണ്.
അതില്‍ ആദ്യത്തെ പോയിന്റ് ഞാന് മനസ്സിലാക്കിയത് ശരി അല്ല എന്നാണ് ഇപ്പോള്‍ പറയുന്നത്..!
-അത് എനിക്ക് ഇപ്പോഴും മനസ്സിലായിട്ടില്ല. (മിടുക്കന്‍ ന്ന് പേരെയുള്ളു, ഒരു മിടുക്കിമില്ലല്ലോ ഈശ്വരാ...)-
എങ്കിലും മനസ്സിലായിടത്തോളം തിരുത്തി പറയാം.
* വിദ്യ പകര്‍ന്ന് കൊടുക്കുന്നത് ഒരു നല്ല കാര്യമാണെന്ന് കരുതുന്നു. അതിനായി എഴുത്തിനിരുത്തുന്നതിനോട് യോജിപ്പുണ്ട്.
അത് വിജയദശമി ദിവസം തന്നെ വേണമെന്ന് നിര്‍ബ്ബന്ധമുണ്ട്.
വിളക്ക് കൊളുത്തി, സാബ്രാണി കത്തിച്ച്, ചമ്രം പടിഞ്ഞിരുന്ന്, അരിയില്‍ കൈ പിടിച്ച് എഴുതിയ്ക്കണം എന്നും നിര്‍ബ്ബന്ധമുണ്ട്. നാവില്‍ സ്വര്‍ണ്ണ മോതിരം കൊണ്ട് എഴുതിച്ചാലെ നന്നാവു എന്നും കരുതുന്നുണ്ട് (താങ്കളുടെ ഈ പൊസ്റ്റിലെ തന്നെ, ചിത്രത്തില് കത്തിച്ച വിളക്ക്, എരിയുന്ന സാബ്രാണി, കിണ്ണത്തില്‍ മോതിരം ഇതൊക്കെ കണ്ടതു കൊണ്ട് മനസിലാക്കിയതാണ്. എന്തിനാണ് ഒരു കിണ്ടി വെള്ളം കൂടി വെച്ചത് എന്ന് എനിക്ക് മനസിലായില്ല... )
ഇപ്പോള്‍ പറയുന്നു. ആചാരങ്ങളോടും കര്‍മ്മങ്ങളോടും പ്രതിപത്തി ഇല്ലെന്ന്.
അപ്പോള്‍ ചിത്രത്തില് കണ്ട് ഞാന് മനസ്സിലാക്കിയത് ആചാ‍രങ്ങളോ കര്‍മ്മങ്ങളോ ആയി ഒരു ബന്ധവും ഇല്ലത്ത സംഭവങ്ങള്‍ ആണ്‍്.
വിരൊധമില്ലെങ്കില്‍ താങ്കളുടെ ചിത്രത്തിലെ എഴുത്തിനിരുത്ത് പ്രക്രിയ ഒന്ന മനസ്സിലാക്കി തരാമോ?
-----
താങ്കളുടെ മറ്റു വ്യക്തി പരമായ നിലപാടുകള്‍ ഞാന് മനസ്സിലാക്കിയത് ശരി എന്ന് തന്നെ കരുതുന്നു. (അതായത് തുടര്‍ന്നുള്ള 2 പോയിന്റുകളില്‍ നമ്മള്‍ ഒരേ അഭിപ്രായത്തിലാണ്)
---
തുടര്‍ന്ന് ഞാന് ഒരു ചോദ്യം മാത്രമാണ് ചോദിച്ചിട്ടുള്ളത്. അത് ഞാന് മനസ്സിലാക്കിയ താങ്കളുടെ മൂന്നാമത്തെ പോയിന്റ് ശരിക്കും മനസ്സിലാകാഞ്ഞതിനാല്‍ ചോദിച്ചതാണ്.
അതായത്,
“ഒരു ചടങ്ങുമാത്രമായി ദക്ഷിണക്കുവേണ്ടി എഴുതിക്കൊടുക്കുന്ന ആചാര്യന്മാര്‍ അതിനിടയില്‍ കരഞ്ഞ് നിലവിളിക്കുന്ന കുട്ടികള്‍...” എന്ന് അങ്ങ് തന്നെയാണ് പറഞ്ഞത്. അല്ലേ..?
അപ്പോള്‍
* “താങ്കള്‍ക്ക് എങ്ങിനെ മനസ്സിലായി, ഒരു ചടങ്ങുമാത്രമായി ദക്ഷിണക്കുവേണ്ടി എഴുതിക്കൊടുക്കുന്നവരാണ് ആചാര്യന്മാര്‍ എന്ന് ? അവരുടെ ആത്മാര്‍ത്ഥതയെ അങ്ങ് എങ്ങിന അളന്നു ?“
എന്ന് അന്വേഷിക്കുന്നത് തെറ്റാണോ ?
ഇനി താങ്കള്‍ക്ക് നേരറിവുള്ള കാര്യമാണെങ്കില്‍ അത് മറ്റുള്ളവര്‍ക്കും സഹായകരമല്ലേ ?
അതല്ല അങ്ങ് ഒരു ഓളത്തിന് ഒരു “താങ്ങ്“ കൊടുത്തതാണെങ്കില്‍,
അത് മനസിലാക്കാതെ വെറുതെ ആചാര്യന്മാരെ ശപിക്കുന്നതും, ആചാര്യന്മാരാല്‍, സ്വന്തം കുട്ടിയെ എഴുത്തിനിരുത്തിയതില്‍ ഓര്‍ത്ത് പശ്ചാത്തപിച്ച് മനം വെണ്ണീറാക്കുന്നതില്‍ നിന്നും ഇതു വായിക്കുന്ന പാവം മനുഷ്യര്‍ക്ക് രക്ഷപെടുകയും ചെയ്യാമല്ലോ..?
അങ്ങനെയൊക്കെ ഉള്ളപ്പോള്‍ എങ്ങിനെയാണ് എന്റെ സംശയം ഉത്തരം അര്‍ഹിക്കാത്തത് ആകുന്നത്. ?
ഇനി അതല്ല, ഇതിനൊന്നും ഉത്തരം താങ്കളുടെ കയ്യില്‍ ഇല്ല എന്നാണ് ഉദ്ദേശിച്ചതെങ്കില്‍ അത് പറയുക.. ഞാന് പൊക്കോളാം..!
എന്തായാലും ഒന്ന് തെളിച്ച് പറയണമെന്നാണ് വിനീതമായ അഭ്യര്‍ത്ഥന...
മിടുക്കന്‍ ,,, കുതിരവട്ടന് വേണ്ടി തൊട്ടു മുകളില്‍ ഞാന് എഴുതിയ കമന്റ് കണ്ടുകാണും എന്ന് കരുതുന്നു.
പിന്നെ ഈ "അങ്ങ്" എന്നുള്ള വിളിയില്‍ തന്നെ കാണുന്ന ആ ... ഒരു "താങ്ങില്ലെ" .. അത് എനിക്ക് തീരെ സുഖിച്ചില്ല എന്ന് കൂട്ടിക്കോളൂ. അതുകൊണ്ട് തന്നെ ഇപ്പോഴും എപ്പോഴും ഇതിനുള്ള മറുപടി ഞാന് തരാന്‍ ഉദ്ദേശിക്കുന്നില്ല എന്ന് മനസ്സിലാക്കി പിന്‍‌മാറുന്നതല്ലേ ഒരു "മിടുക്കന്റെ" ലക്ഷണം ?
മകന്‍ എന്റെ മാത്രമല്ല, എന്റെ ഭാര്യയുടേയും കൂടിയാണെ.. അവളുടെ വിശ്വാസങ്ങളെയും ഞാന് വില മതിക്കുന്നു ... എന്റെ മകനു വേണ്ടി ചെയ്ത ഒരു പ്രവൃത്തിയെപറ്റിയുള്ള ഒരു പോസ്റ്റില്‍ ഇത്തരം സം‌വാദം ഞാന് തുടരുന്നില്ല. (മിടുക്കന്‍ നന്ദനെ പറ്റിയിട്ട പോസ്റ്റില്‍ അന്ന് തന്നെ വന്ന ഞാന് ഇത്തരം ചില സംശയങ്ങള്‍ അവിടെ ചോദിക്കാതിരിക്കുന്നത് എന്റെ സ്ഥലകാലബോധം കൊണ്ടാണെന്ന് കരുതിക്കൂടെ.)
പിന്നെ,,,ആ കിണ്ണത്തില്‍ ഇല്ലാത്ത ഒരു മോതിരം കണ്ടുപിടിച്ച ആ കണ്ണ് , ഞാന് സമ്മതിച്ചിരിക്കുന്നു.
"സാംസ്കാരിക നായകന്മാര്‍ മാത്രമേ താങ്കള്‍ക്ക് കണ്ണില്‍ വന്നുള്ളോ?"
പ്രിയ അനില്ശ്രീ, ഞാന് ഒരൊറ്റ വാചകമേ എഴുതിയുള്ളു. അതില്‍ പറഞ്ഞത് മത/സാംസ്കാരിക/സാഹിത്യ പുരോഹിതര്‍ക്ക് എന്നാൺ. എന്നിട്ടും "സാംസ്കാരിക നായകന്മാർ മാത്രമേ താന്കള്ക്ക് കണ്ണിൽവന്നുള്ളോ" എന്ന ചോദ്യം കൊണ്ട് തന്നെ ആരംഭിക്കണ്മായിരുന്നോ താന്കളുടെ മറുപടി? എന്തായാലും ഈയൊരു സന്കല്പ്പത്തിൽ നിന്നും ഉദ്ഭവിച്ച മറുപടിയായതു കൊണ്ട് ഞാനിനി ഇതിനു മറുപടിയൊന്നും പറയുന്നില്ല.
"പതിനഞ്ച് - പതിനെട്ട് വയസ്സ് മുതലുള്ള "ആചാര്യന്മാര്‍" എഴുത്തിനിരുത്താന്‍ നിരന്നിരിക്കുന്നത് കാണാം."
ഇങ്ങനെയൊന്നുണ്ടെന്കിൽ അക്കാര്യത്തിൽ അനിലിനെ അനുകൂലിക്കുന്നു. ഞാന് പത്രത്തിൽ വായിച്ച രണ്ടു വിദ്യാരംഭങ്ങളുടെ സ്ക്രീന്ഷോട്ട് ഇതാ.
ഒന്നു
രണ്ട്
ഇവരൊക്കെ ദക്ഷിണക്കു വേണ്ടിയാൺ കുട്ടികളുടെ വിദ്യാരംഭത്തിൽ പന്കെടുക്കുന്നത് എന്നു പറഞ്ഞാൽ എനിക്ക് ചിരിയേ വരൂ. അങ്ങനെയല്ല അനിൽ ഉദ്ദേശിച്ചത് എന്നു കരുതട്ടെ.
അച്ചുവിന് ആശംശകൾ.
പ്രിയപ്പെട്ട അനില് ശ്രീ,
- കുതിരവട്ടനു മറുപടി കൊടുത്ത കമന്റ് കണ്ടു. അതില്‍ എന്റെ ചോദ്യത്തിനുള്ള ഉത്തരം കണ്ടില്ല.
- ഞാന് അനില്‍ശ്രീയെ “ അങ്ങ്” എന്ന് സംബോധന ചെയ്തത്, താങ്കളെ താങ്ങിയതായി ധരിച്ചിട്ടുണ്ടെങ്കില്‍ അതില്‍, ഞാന് നിര്‍വ്യാജ്യം ഖേദിക്കുന്നു. ആത്മാര്‍ത്ഥമായി മാപ്പ് പറയുന്നു. മേലില്‍ “അങ്ങ്” എന്ന് താങ്കളെ സംബോധന്‍ ചെയ്യുന്നതുമല്ല.
എന്റെ സംശയത്തിന് ഉത്തരം തരാത്തത്, “അങ്ങ്” എന്ന് വിളിച്ചതു കൊണ്ടാണെങ്കില്‍ അത് പൊറുത്ത് , ഉത്തരം തരണമെന്ന് വീണ്ടും അഭ്യര്‍ത്ഥിക്കുന്നു...!
സംശത്തിനുള്ള ഉത്തരം കിട്ടാതെ പിന്മാറേണ്ടി വരുന്നത് ശരിയല്ലല്ലോ..? , ഒരു വാക്കു പിഴ കൊണ്ടാണെങ്കില്‍ അത് തീര്‍ത്ത് , ഉത്തരം തരാന്‍ അപേക്ഷിക്കുകയാണ് ധര്‍മ്മം എന്ന് കരുതുന്നു.
- ഒരു കുടുമ്പത്തിന്റെയും, വിശ്വാസത്തെയും പ്രവൃത്തികളേയും ഞാന് വെറുതെ വന്ന് ചോദ്യം ചെയ്തിട്ടില്ല..
അനില് ശ്രീ, താങ്കളുടെ കുട്ടിയുടെ വിദ്യാരംഭം സുഹൃത്തുക്കളും, ബ്ലൊഗ് വായിക്കുകയും ചെയ്യുന്നവരോട് പങ്കിടുക മാത്രമായിരുന്നു ഉദ്ദേശ്യമെങ്കില്‍ ഈ പോസ്റ്റില്‍, “എന്തോ ടി.വി-യില് കാണുന്ന തരത്തിലുള്ള എഴുത്തിനിരുത്തിനോട് ഒരു യോജിപ്പില്ല“ എന്ന് എഴുതേണ്ടിയിരുന്നില്ല.. അങ്ങിനെ എഴുതിയത് കൊണ്ടാണല്ലോ അത് എന്ത് കൊണ്ട് എന്ന ചോദ്യം തന്നെ ഉണ്ടായത്.
എന്ന് മാത്രമല്ല, നാട്ടു നടപ്പനുസരിച്ച് അതിനെ പിന്തുണക്കുന്ന പലര്‍ക്കും, അതെന്താ അനില് ശ്രീ അങ്ങനെ പറഞ്ഞത് എന്ന് തോന്നിയിട്ടുണ്ടാകാം. അതില്‍ തെറ്റ് പറയാന്‍ ഒക്കുമോ ?
ഞാന് എന്റെ മകനെ പറ്റിയിട്ട പോസ്റ്റില്‍ താങ്കള്‍ക്ക് എന്ത് സംശയമാണ് ഉണ്ടായത് ? സംശയം ഉണ്ടെങ്കില്‍ അത് ചോദിക്കണം.
എനിക്ക് യാതൊരു പരിഭവവും ഇല്ല. ഇപ്പോള്‍ ഇവിടെ വേണമെങ്കില്‍ ചോദിക്കാം, അല്ലെങ്കില്‍ ആ പോസ്റ്റില്‍ ചോദിക്കാം, അതിന് ഞാന് മറുപടി തരുന്നതായിരിക്കും. ഉറപ്പ്.
- മോതിരം കിണ്ണത്തില്‍ ഇല്ലെങ്കില്‍ ക്ഷമിക്കുക.
വിളക്കിനു മുന്നില്‍ വെച്ചിരിക്കുന്ന വസ്തുവിന്റെ നിഴല്‍ ആകാം അത്. മറ്റ് ആചാര വസ്തുക്കള്‍ ഉള്ളത് ഉള്ളത് തന്നെ ആണ്‍്.
പ്രിയ അനില് ശ്രീ,
എന്റെ നിലപാട് സത്യസന്ധവും ആത്മാര്‍ത്ഥതയോടും കൂടിയാണ്. ഒരു മുന്‍ വിധികളുമില്ലാതെ താങ്കളുടെ ഉത്തരങ്ങള്‍ക്കായി ഞാന് കാത്തിരിക്കുന്നു
നന്ദി
മിടുക്കന്‍
കുതിരവട്ടന്,
മത/സാംസ്കാരിക/സാഹിത്യ പുരോഹിതര്‍ ..എന്നൊക്കെ നീട്ടിപ്പിടിച്ചെഴുതണ്ടല്ലോ എന്ന് കരുതയാണ് ചുരുക്കിയത്. ലിങ്കില്‍ കണ്ട വാര്‍ത്തകള്‍ വായിച്ചു. നല്ലത്. തിര്‍ച്ചയായും ഇതിനെയൊന്നുമല്ല ഞാന് കുറ്റം പറഞ്ഞത്. പണ്ടൊക്കെ വീട്ടില്‍ തന്നെ നടത്തിയിരുന്ന ചടങ്ങ് ആണ് ഇപ്പോള്‍ ഇങ്ങനെ പലയിടത്തും ആഘോഷിക്കുന്നത്. അതിന്റെ ആവശ്യം ഉണ്ടെന്ന് എനിക്ക് തോന്നിയിട്ടില്ല. അതു തന്നെ കാര്യം.
മിടുക്കന്‍,
മനോരമയില്‍ വിദ്യാരംഭം . രജിസ്ട്റേഷന്‍ --- തീയതി മുതല്‍..
മാതൃഭൂമിയില്‍ വിദ്യാരംഭം.. രജിസ്ട്റേഷന്‍ --- തീയതി മുതല്‍...
ABCD അസ്സോസ്സിയേഷന്‍ വക വിദ്യാരംഭം....
പിന്നെ അവിടെ വിദ്യാരംഭം,,, ഇവിടെ വിദ്യാരംഭം..
അങ്ങനെ പല വാര്‍ത്തകളും കാണുന്നുണ്ട്. ഇവരൊക്കെ ചേര്‍ന്ന് ഇത് ഒരു അഘോഷമാക്കി മാറ്റുകയല്ലേ? അല്ലെങ്കില്‍ മറ്റൊരു തരത്തില്‍ പറഞ്ഞാല്‍ ഈ ചടങ്ങിനെ ഒരു കച്ചവടമാക്കി മാറ്റുകയല്ലേ എന്ന് സംശയമുണ്ട്.
ആരാധനാലയങ്ങളിലോ, സാംസ്കാരിക ക്ഷേത്രങ്ങളിലോ നടത്തുന്നതിനെ പലര്‍ക്കും ന്യായീകരിക്കാം, എങ്കിലും ചില അമ്പലങ്ങളില്‍ ചെന്നാല്‍ ഒരു "പൂണൂല്‍" മാത്രമാണ് പല ആചാര്യന്മാരുടേയും യോഗ്യത എന്ന് തോന്നും. ഇതു കൊണ്ട് തന്നെ ഇന്ന് റ്റി.വി-യില് കാണുന്ന "ചില" എഴുത്തിനിരുത്തുകളെ എനിക്ക് ന്യായീകരിക്കാനാവില്ല. ("ചില" എന്ന് തിരുത്തിയിരിക്കുന്നു.) ഇതിന് പകരം എന്തു കൊണ്ട് കുട്ടികളെ പിതൃസ്ഥാനീയരോ ഗുരുസ്ഥാനീയരോ ആയവരെ കൊണ്ട് എഴുത്തിനിരുത്തിക്കൂടാ എന്നേ ഞാന് ഉദ്ദേശിച്ചുള്ളൂ.
ഇതില്‍ ഇനിയൊരു വിശദീകരണത്തിന്റെ ആവശ്യം ഉണ്ടെന്ന് തോന്നുന്നില്ല.
ഓ.ടോ. മിടുക്കന്‍, സംശയം തോന്നി എന്നല്ല പറഞ്ഞതിനര്‍ത്ഥം... ഔചിത്യത്തെ പറ്റിയാണ് ഞാന് പറഞ്ഞത്.
പിന്നെ.. മിടുക്കന്‍ നടപ്പനുസരിച്ച് ഇത്തരം ആചാരങ്ങളെ പിന്തുണക്കുന്ന ആളാണെന്ന് ഞാന് മനസ്സിലാക്കിയതില്‍ തെറ്റുണ്ടോ? അങ്ങനെയാണെങ്കില്‍ ഒരു സംശയം. വിളക്ക് വയ്ക്കുമ്പോള്‍ കിണ്ടിയില്‍ വെള്ളം വയ്ക്കുന്നത് കണ്ടിട്ടില്ലേ?
:)
തെളിച്ച് പറഞ്ഞിരിക്കുന്നു.
വിദ്യാരംഭം ഒരു ഷോ ആക്കുന്നതിനോടും അതിനെ കച്ചവട വത്കരിക്കുന്നതിനോടു മാണ്, എതിര്‍പ്പ്.
ഞാന് ഇത്രയൊക്കെ ചോദിച്ചത്, ടി.വി. യില് കണ്ട പരിപാടിയും, അനില് ശ്രീ യുടെ ചിത്രത്തില് കണ്ടതും തമ്മില് എനിക്ക് ഒരു വ്യത്യാസവും തോന്നത്തതു കൊണ്ടാണ്.
പനച്ചിക്കാട്ടോ, മൂകാമ്പികയിലോ, ആളുകള്‍ എഴുത്തിനിരിത്തിക്കാന്‍ പോകുന്നത്, ഇന്ന പൂണൂല്‍ധാരി എഴുത്തിനിരിത്തിക്കണം എന്ന് കരുതിയല്ലല്ലോ..? അവിടെ ദൈവീക സാനിധ്യം ഉണ്ടെന്ന് കരുതിയിട്ടല്ലേ..?
അതല്ല ഇന്ന ഇന്ന പ്രശസ്ത വ്യക്തികള്‍ എഴുതിക്കണം എന്ന് നിര്‍ബബന്ധമുള്ളവര്‍ ആ വ്യക്തികളുടെ അടുത്തെത്തുന്നു, അല്ലെങ്കില്‍ സൌകര്യ പ്രദമായി, മനോരമയോ മറ്റോ അവരെ അറേഞ്ച് ചെയ്യുന്നു...
എവിടെയായാലും അവിടെ ചെല്ലുന്നവരുടെയും, എഴുതിക്കുന്നവരുടെയും മനസ്സ്, നന്നായിവരട്ടെ എന്ന് തന്നെ ആണ്. അത് തന്നെ ആണല്ലോ അനിലിന്റെ മനസ്സിലും, ഇവിടെ ആശംസ അറിയിച്ച ഞങ്ങടെ മനസ്സിലും ഉണ്ടായിരുന്നത്.
* *
ഇന്നയിടത്ത് ഇന്ന ഇന്ന ചോദ്യങ്ങളെ ചോദിക്കാവു എന്ന് തരം തിരിക്കാന്‍ അറിയില്ല.
എന്റെ കുറവ്..
മനസിലാകാത്തത് , കഴിവതും അപ്പോളപ്പോള്‍ തന്നെ തീര്‍ക്കുക, എന്നതാണ് ശീലം.
അത് ഇനി മാറ്റാനാവുമോ എന്തോ ?
എഴുത്തിനിരുത്തിച്ചതിന്റെ ഗുണം..!
****
വിളക്കിനൊപ്പം കിണ്ടി വെക്കുന്നത്, ആ കിണ്ടികൊണ്ട് എന്തെങ്കിലും ക്രിയ ചെയ്യാനുണ്ടെങ്കില്‍ മതി എന്നാണെനിക്ക് തോന്നുന്നത്.
ഇതെന്റെ ഊഹം മാത്രമാണ്. ആചാര വിധികള്‍ അത് അറിവുള്ളവരോട് ചോദിക്കുക
ഇത്ര തെളിച്ചു പറഞ്ഞാലേ മനസ്സിലാകൂ എന്ന് എനിക്കറിയില്ലായിരുന്നു. ഒരു പക്ഷേ എന്റെ വിവരക്കേട് :)
അനില്ശ്രീ,
താങ്കള്‍ ചെയ്തതില്‍ എന്തെങ്കിലും തെറ്റുണ്ടെന്നു ഞാന് പറയില്ല. ചില ചടങ്ങുകള്‍ , അതു നമ്മള്‍ക്കു വിശ്വാസമില്ലെങ്കില്‍ പോലും ചെയ്യേണ്ടി വരും. അതൊരു ബാധ്യതയായി വരുമ്പോള്‍. ഭാര്യ, മാതാപിതാക്കള്‍ , അങ്ങിനെ നിരവധി ഘടകങ്ങള്‍. പ്രത്യേകിച്ചും ഇതുപോലെയുള്ള ഡെലിക്കേറ്റ് ആയ വിശ്വാസങ്ങള്‍.
എന്നെ എന്റ്റെ അച്ഛനാണ് ഹരിശ്രീ കുറിപ്പിച്ചെതെന്നു അമ്മ പറഞ്ഞു.
പിന്നെ കിണ്ടി.അതിലെ ജലം എടുത്ത് കൈ കഴുകി, കഴുകിച്ചു എഴുതിക്കുന്നത് കണ്ടിട്ടുണ്ട്. ആചാരങ്ങളെക്കുറിച്ച് വലിയ പിടിയില്ല, നമുക്കു തോന്നുന്നത് ചെയ്യാം,അതില്‍ ഇത്ര ഗുരുതരമായ തെറ്റുണ്ടോ?
ഈ കണ്‍ഫ്യൂഷന്‍ ഈ പോസ്റ്റ് വായിച്ചപ്പോള്‍ ഞാന് പ്രതീക്ഷിച്ചതാണ്. ഇപ്പോഴാണ് വന്നതെന്നു മാത്രം.
ആശംസകള്‍
എഴുത്തിനിരുത്ത് പോലെയുള്ള ചടങ്ങുകളിലൊന്നും കാര്യമില്ല അനിലേ .. മക്കളെ കാര്യങ്ങള്‍ ഗ്രഹിച്ച് പഠിക്കാന്‍ പ്രേരിപ്പിക്കുക , മനസ്സില്‍ ആര്‍ദ്രതയും കരുണയും സഹാനുഭൂതിയും ഒക്കെ വളര്‍ത്തുക . ഒരു നല്ല പൌരനായി വളര്‍ത്തുക ഇതൊക്കെയാണ് വേണ്ടത് . ആളുകള്‍ക്ക് ഇപ്പോള്‍ ചോറൂണ് , വിദ്യാരംഭം പോലുള്ള ചടങ്ങുകളിലേ താല്പര്യവും ശ്രദ്ധയുമുള്ളൂ . ബാക്കിയെല്ലാം മിസ്സ് ചെയ്യുന്നു . അതിന്റെ തകരാറാണ് ഇപ്പോള്‍ സര്‍വ്വത്ര കാണുന്നത് . എല്ലാം തലമേല്‍ കീഴ്‌മറിഞ്ഞു പോയി . നല്ല മക്കളാണ് വയസ്സ് കാലത്ത് ആശ്രയം . അതിന് നല്ല മൂല്യബോധത്തോടെ അവരെ വളര്‍ത്തണം . ഈ ചടങ്ങുകളൊന്നും അതിനുതകുകയില്ല.
ആശംസകളോടെ,
അനില്, പാരമ്പര്യമായി കിട്ടിയ ചടങ്ങുകള്‍ നടത്തരുത് എന്ന് ഞാന് ഒരിടത്തും പറയില്ല. അതാണ് സമൂഹികജീവിതത്തിന്റെ ഒരു വശം. പക്ഷേ ഇതൊക്കെ വാണിജ്യവല്‍ക്കരിക്കുന്നതില്‍ മനസ്സില്‍ എതിര്‍പ്പുണ്ട്.
ദേ, സുകുമാരേട്ടന്‍ പറഞ്ഞതാ പോയിന്റ്. ഇതൊക്കെ ഒരു ചടങ്ങുകള്‍ മാത്രം. മനുഷ്യര്‍ എങ്ങനെ ജീവിക്കുന്നു എന്നതാണ് പ്രധാനം. വളര്‍ന്നു വരുന്നവര്‍ സമൂഹത്തെ എങ്ങനെ കാണുന്നു, അവരുടെ സമൂഹബോധം എങ്ങനെ വളരുന്നു എന്നതില്‍ ഒക്കെത്തന്നെയാണ് ഇതിന്റെ ഒക്കെ ഫലപ്രാപ്തി എന്ന് വിശ്വസിക്കുന്നു.
വെറുതെ ഒരു പോസ്റ്റ് എന്നതില്‍ ഒതുങ്ങരുത്, എന്റെ മനസ്സില്‍ ഇന്നത്തെ ഈ കച്ചവട തന്ത്രത്തിനുള്ള സ്ഥാനമെന്ത് എന്ന് കൂടി ഈ പോസ്റ്റില്‍ കൂടി പറയണം എന്ന് കരുതിയാണ് ആ വാചകം അവസാനം എഴുതിയിരുന്നത്. ഇന്നിതൊക്കെ ഒരു തരം കാട്ടിക്കൂട്ടലുകളായി മാറിയിരിക്കുന്നു. പണ്ടൊക്കെ ആരാധനാലയങ്ങളില്‍ ഒതുങ്ങിയിരുന്ന ഈ ആചാരം ഇപ്പോള്‍ മുറുക്കാന്‍ കടയില്‍ പോലും നടത്തുന്നു എന്ന സ്ഥിതിയാണുള്ളത്. (അതിശയോക്തിയാണേ.. അല്ലെങ്കില്‍ ചൊദിക്കും ഏത് മുറുക്കാന്‍ കടയിലാണെന്ന് കാണിച്ചു തരാമോ എന്ന്..)
സുകുമാരന്‍ മാഷ്,
ആചാരങ്ങള്‍ പാലിച്ചേ അടങ്ങൂ എന്ന് വാശിയുന്നിമില്ലെനിക്ക്. പക്ഷെ ആരെങ്കിലും അതു കൂടിയേ തീരൂ (കുഞ്ഞിന്റെ അമ്മ)എന്നു ആവശ്യപ്പെട്ടാന്‍ അതിനു എതിരു നില്‍ക്കില്ല എന്നു മാത്രം.പിടിവാശികളില്ല, ഒരു കാര്യത്തിലും, ഞാന് ഒരു വെറും സാധാരണ മനുഷ്യനാണ്.
പിന്നെ “ഷോകള്‍”
ഒരു ഉദാഹരണം ഓഫ് ടോപ്പിക് ആയാലും പറയാം. പണ്ട് ഏഷ്യാനെറ്റ്, വോയിസ് ഓഫ് ദ വീക്ക് എന്ന പേരില്‍ ഒരു പരിപാടി നടത്തിയിരുന്നു. അന്നു ഒരു എപ്പിസോഡുപോലും മുടങ്ങാതെ കണ്ടിരുന്ന ഞാന് ഇന്നു റിയാലിറ്റി ഷോ ആയതോടെ ടീവിയുടെ അടുത്തേക്കു തന്നെ പോകുന്നില്ല. കോപ്രായങ്ങള്‍ ഇഷ്ടപ്പെടുന്നില്ല , അത്ര മാത്രം.
അനില്‍ശ്രീയുടെ ഈ പോസ്റ്റും അതേ സ്പിരിറ്റിലാണ് ഞാന് കണ്ടത്.
അച്ചുവുന് ആശംസകള്‍ :)
അനിൽശ്രീ,
എന്തായാലും ആ കർമ്മം സ്വയമേവ ചെയ്തതിൽ അഭിനന്ദനം.....അത് ചെയ്യാൻ ഏറ്റവും അർഹൻ താങ്കൾ തന്നെയാണ്...
ആശംസകൾ......
അനിൽശ്രീ ക്ഷമിച്ചാലും.....
ഇന്‍ഡ്യാഹെറിറ്റേജ്‌:Indiaheritage said...
“ ഓടൊ എന്നെ എഴുതിച്ചത്‌ എന്റെ ചേട്ടനായിരുന്നു. ഇതുപോലെ തന്നെ“
ഈ പോസ്റ്റിലെ ഏറ്റവും തമാശയുള്ള കമന്റ്...
ഹിഹിഹിഹിഹിഹിഹിഹിഹിഹിഹിഹി....
അനിൽശ്രീ അപ്പോ മോന്റെ ആരായി വരും..:):)
ഇങ്ങനെയൊക്കെ എഴുതാനും വേണം മുജ്ജന്മ സുഹൃതം....
Post a Comment