ഇന്നത്തെ തീയതി :

Saturday, November 22, 2008

യോഗക്കെതിരെയും ഫത്വ ! !

ഇനി മുതല്‍ മുസ്ലീങ്ങള്‍ യോഗ പരിശീലിക്കരുതെന്ന് മലേഷ്യന്‍ ഫത്‌വ കമ്മറ്റി ഫത്‌വ ഇറക്കിയിരിക്കുന്നതായി ദീപികയില്‍ ഒരു വാര്‍ത്ത കണ്ടു. (ഇവിടെയും കണ്ടു) യോഗയില്‍ ഹിന്ദു തത്വങ്ങള്‍ അടങ്ങിയിരിക്കുന്നുവെന്നും യോഗ അഭ്യസിക്കുന്ന മുസ്ലീമിന്റെ വിശ്വാസങ്ങള്‍ക്ക് അത് കോട്ടം തട്ടിക്കും എന്നുമാണ് ഇതിന് കാരണമായി പറയുന്നത്.

ഇന്ന് പല രോഗങ്ങളും ഉള്ളവര്‍ക്ക് ചികിത്സാമുറയുടെ ഭാഗമായി യോഗ അഭ്യസിക്കാന്‍ നിര്‍ദ്ദേശിക്കുന്നതായി അറിയാം. ഇത് എത്രത്തോളം ഫലപ്രദമാണെന്നൊന്നും പറയാന്‍ എനിക്കറിയില്ല. പക്ഷേ യോഗ ചെയ്യുന്നത് ശരീരത്തിന് പല രീതിയിലും ഗുണം ചെയ്യുന്നുണ്ട് എന്ന് പലയിടത്തും വായിച്ചറിഞ്ഞിട്ടുണ്ട്. പല മാര്‍ഷ്യല്‍ ആര്‍ട്ടുകളുടെ പരിശീലനത്തിന് പോലും യോഗയുടെ ചില ഭാവങ്ങള്‍ ഉപയോഗിക്കുന്നു. പ്രത്യേകിച്ച് ബ്രീത്തിങ് എക്സര്‍സൈസില്‍. (ശ്രീ ശ്രീ രവിശങ്കറിന്റെ കുണ്ടാന്ത്രം അല്ല അല്ല ഉദ്ദേശിച്ചത്). ഇന്ത്യയില്‍ പല മുസ്ലീം പണ്ഡിതരും യോഗ ചെയ്യുന്നുണ്ടാവാം (?) അല്ലെങ്കില്‍ അഭ്യസിച്ചിട്ടുണ്ടാവാം.

പണ്ടൂ കാലം മുതല്‍ക്കേ ഇന്ത്യയിലെ ഹിന്ദു ആചാര്യന്മാര്‍ അനുഷ്ടിച്ചു പോന്നതാണ് എന്നത് യോഗയുടെ ഗുണഗണങ്ങളെ കുറക്കുന്നില്ല. ഇനി ചിലയിടെങ്ങളില്‍ വിളക്ക് കത്തിച്ച് വയ്ക്കുന്നതോ, ഓംകാരം ഉരുവിടുന്നതോ കേട്ടിട്ടാണൊ ഈ ഫത്വ എന്നറിയില്ല. അങ്ങനെയാണെങ്കില്‍ ഇതൊക്കെ ഒഴിവാക്കിയാല്‍ പോരെ. അല്ലെങ്കില്‍ യോഗ അഭ്യസിച്ച ഒരു "മുസ്ലിം ഗുരു"വിന്റെ കൂടെ പഠിച്ചാല്‍ മതി എന്ന് കരുതിയാല്‍ പോരെ. അതിനു പകരം ഇനി മുസ്ലീങ്ങള്‍ യോഗ അഭ്യസിക്കാന്‍ പാടില്ല എന്ന് പറയുന്നതിലെ പൊരുള്‍ എനിക്ക് മനസ്സിലാകുന്നില്ല.

ശ്രീ ശ്രീ തുടങ്ങിയ യോഗ കച്ചവടക്കാരൊക്കെയാവും ഈ ഫത്‌വക്ക് കാരണക്കാര്‍ എന്ന് ഞാന്‍ കരുതുന്നു. അവരൊക്കെയാണല്ലോ ലോകം മുഴുവന്‍ "യോഗ" കൊണ്ടു നടന്ന് വില്‍ക്കുന്നത്. യഥാര്‍ത്ഥ യോഗ എന്താണെന്ന് മലേഷ്യന്‍ ഫത്‌വ കമറ്റിക്ക് ഒരു പക്ഷേ അറിവുണ്ടായിരിക്കില്ല. അവര്‍ കാണുന്നതൊക്കെ ഈ ആത്മീയ യോഗകള്‍ ആണല്ലോ. അപ്പോള്‍ ഇതൊരു "ഹിന്ദു യോഗ" ആണെന്ന് അവര്‍ക്ക് തോന്നിക്കാണും.

എന്തായാലും ഇത് ഒരു അന്യായ ഫത്‌വ ആയിപ്പോയി. ചില അഭ്യാസങ്ങള്‍ ഒക്കെയാകാം എന്ന രീതിയില്‍ ഈ ഫത്വയുടെ ചില ക്ലാരിഫിക്കേഷന്‍ വന്നിട്ടുണ്ട് എന്നറിയുന്നു. ഈജിപ്തിലെ ചില മതപണ്ഡിതന്മാര്‍ ഇപ്പോഴേ എതിര്‍പ്പ് പ്രകടിപ്പിച്ചു എന്ന് ഈ വാര്‍ത്തയില്‍ കാണുന്നു.

സംശയം
ഫത്വകള്‍ പലതും പത്രങ്ങളിലൂടെ വായിച്ചറിയാറുണ്ട്. ഇനി ഒരു സംശയം. അറിയാത്തത് കൊണ്ട് ചോദിക്കുന്നതാണ്. അറിയാവുന്ന ആരെങ്കിലും ഇത് തീര്‍ത്തു തന്നാല്‍ കൊള്ളാം.
മലേഷ്യയിലെ കമറ്റി ഇറക്കുന്ന ഫത്‌വ ഇന്ത്യയിലെ മുസ്ലിമുകള്‍ക്കും ബാധകമാണോ? അതു പോലെ ഇന്ത്യയിലെ പണ്ഡിതന്മാര്‍ ഇറക്കുന്ന ഫത്‌വകള്‍ ലോകത്തെ എല്ലാം മുസ്ലീമുകള്‍ക്കും ബാധകമാണോ?

അതുപോലെ ഇന്നത്തെ സാഹചര്യങ്ങള്‍ നോക്കിയാണോ, അതോ ഖുറാനും നബിചര്യയ്ക്കും എതിരാണെന്നത് നോക്കിയാണോ ഫത്‌വകള്‍ പുറപ്പെടുവിക്കുന്നത്?

ഒരു മുന്‍‌കൂര്‍ ജാമ്യം.
ഈ ഫത്‌വ എന്നെ ബാധിക്കുന്നില്ലാത്തതിനാല്‍ ഞാന്‍ ഇതിന് അനുകൂലിക്കുകയോ പ്രതികൂലിക്കുകയോ ചെയുന്നില്ല. ഇങ്ങനെയൊരു വാര്‍ത്ത കണ്ടപ്പോള്‍ മനസ്സില്‍ തോന്നിയത് കുറിച്ചിട്ടു എന്ന് മാത്രം. മറ്റൊരു മറ്റൊരു മതത്തിലെ അംഗമായതിനാല്‍ ആണ് ഈ മുന്‍കൂര്‍ ജാമ്യം .

43 comments:

അനില്‍ശ്രീ... said...

ഇനി മുതല്‍ മുസ്ലീങ്ങള്‍ യോഗ പരിശീലിക്കരുതെന്ന് മലേഷ്യന്‍ ഫത്‌വ കമ്മറ്റി ഫത്‌വ ഇറക്കിയിരിക്കുന്നതായി ദീപികയില്‍ ഒരു വാര്‍ത്ത കണ്ടു. (ഇവിടെയും കണ്ടു) യോഗയില്‍ ഹിന്ദു തത്വങ്ങള്‍ അടങ്ങിയിരിക്കുന്നുവെന്നും യോഗ അഭ്യസിക്കുന്ന മുസ്ലീമിന്റെ വിശ്വാസങ്ങള്‍ക്ക് അത് കോട്ടം തട്ടിക്കും എന്നുമാണ് ഇതിന് കാരണമായി പറയുന്നത്.

Kvartha Test said...

യോഗ പരിശീലിക്കുമ്പോള്‍ ഓം എന്നതിന് പകരം അള്ളാ എന്ന് പറഞ്ഞാലും മതിയല്ലോ. എല്ലാം അവസാനം ഒന്നു തന്നെ എന്ന് പഠിച്ച മുസ്ലിം പണ്ഡിതന്മാര്‍ക്കും അറിയാം. പിന്നെ ഒരു സമൂഹം നിലനിര്‍ത്താന്‍ ഇത്തരം നമ്പരുകള്‍ ഒക്കെ വേണമല്ലോ. അത്രേയുള്ളൂ എന്ന് തോന്നുന്നു.

Anonymous said...

1) മലേഷ്യയിലെ കമറ്റി ഇറക്കുന്ന ഫത്‌വ ഇന്ത്യയിലെ മുസ്ലിമുകള്‍ക്കും ബാധകമാണോ?

not at all as per my knowledge

അതു പോലെ ഇന്ത്യയിലെ പണ്ഡിതന്മാര്‍ ഇറക്കുന്ന ഫത്‌വകള്‍ ലോകത്തെ എല്ലാം മുസ്ലീമുകള്‍ക്കും ബാധകമാണോ?

same as above

അതുപോലെ ഇന്നത്തെ സാഹചര്യങ്ങള്‍ നോക്കിയാണോ, അതോ ഖുറാനും നബിചര്യയ്ക്കും എതിരാണെന്നത് നോക്കിയാണോ ഫത്‌വകള്‍ പുറപ്പെടുവിക്കുന്നത്?

fatwa should be based on Quran and Sunnath ( teaching of Prophet ) and its connecte with currect affair too


clarifications should come from any sholar. if Qardawi ( a sholar ) produce a Fatwa . it is only followig by some of his follower only not all muslim and even by JAMAATH ISLAMI the one who proclaim as GREAT SCHOLAR.

INDIAN MUSLIMS WIL NOT FOLLOW ANY FATWA FROM ANY PART OF THE WORLD IF ITS IS AGAISNT THE QURAN AND SUNNATH.

here YOGA is practicing with some slogans of hindhus (likd om etc ) and its entirely opposits of ILSMIC belief that why (may be ) this sholars produce this fatwa.

I know somanay mulims doing YOGA but with out theses manthram or slogan

Anonymous said...

let any one clarify

അനില്‍ശ്രീ... said...

AK നന്ദി.
ഈ ചോദ്യം കുറെ നാളായി ചോദിക്കണം എന്ന് കരുതിയിരുന്നതാണ്.

ഇനി യോഗയെ പറ്റിയുള്ള കാര്യം.താങ്കള്‍ പറഞ്ഞ പോലെ ഹിന്ദു ആരാധനാശം ഉള്ള (ഉണ്ടെങ്കില്‍) അത് ഒഴിവാക്കിയാല്‍ പിന്നെ യോഗ നല്ലതാണെങ്കില്‍ അത് അഭ്യസിക്കുന്നതില്‍ തെറ്റില്ലല്ലോ. എന്റെ അറിവനുസരിച്ച് "ഓം" എന്നതു പോലും ശ്വസനവുമായി ബന്ധപ്പെട്ട ഉരുത്തിരിഞ്ഞതാണ്. അത് ഹിന്ദുക്കളുടെ മൂല മന്ത്രമായി പരിണമിച്ചതാണ് എന്ന് തോന്നുന്നു. അതും അറിവുള്ളവര്‍ പറയട്ടെ.

Anonymous said...

( ഹിന്ദു ആരാധനാശം ഉള്ള (ഉണ്ടെങ്കില്‍) അത് ഒഴിവാക്കിയാല്‍ പിന്നെ യോഗ നല്ലതാണെങ്കില്‍ അത് അഭ്യസിക്കുന്നതില്‍ തെറ്റില്ലല്ലോ )

no.. as per my knowldege

( എന്റെ അറിവനുസരിച്ച് "ഓം" എന്നതു പോലും ശ്വസനവുമായി ബന്ധപ്പെട്ട ഉരുത്തിരിഞ്ഞതാണ് )


that i dont know :(

അനില്‍@ബ്ലോഗ് // anil said...

ഇന്നു നാം കാണുന്ന യോഗ,കൂടാതെ രവിശങ്കറിന്റെ കച്ചവടം , ഇതെല്ലാം ഹിന്ദു മതവുമായി ബന്ധപ്പെട്ടുകിടക്കുന്നതെന്നാണ് എന്റെ ധാരണ. അല്ലെന്നു വാദങ്ങള്‍ അനവധി ഉണ്ട്.

ശ്വസന താളം ക്രമീകരിക്കാന്‍ ഓം എന്ന് പറയണമെന്നില്ലല്ലോ, അതിനായി മറ്റെന്തെല്ലാം മാര്‍ഗ്ഗങ്ങളുണ്ടാവും. അങ്ങിനെ ഒരു സമീപനം ഉണ്ടായിട്ടുണ്ടോ? (അറിയാനായി ചോദിക്കുന്നതാണെ)

എന്തായാലും ആരാധനയുമായി യോഗയെ ബന്ധപ്പെടുത്തുന്നതില്‍ അര്‍ത്ഥമുണ്ടെന്നു തോന്നുന്നില്ല. മലേഷ്യ വരെയൊന്നും പോകണ്ട, നമ്മുടെ നാട്ടില്‍ തന്നെ ചില പ്രശ്നങ്ങള്‍ പറഞ്ഞു കേള്‍ക്കുന്നുണ്ട്. അത് യോഗയുടെ കുറ്റമല്ല.

അനില്‍ശ്രീ... said...

അനിലേ.. എനിക്ക് യോഗയെപറ്റി കൂടുതലൊന്നും അറിയില്ല. ഇതു വരെ കൈ വയ്ക്കാത്ത ഒരു മേഖലയാണിത്. ഞാനും എവിടെയോ വായിച്ചത് മാത്രമാണ് അതിനെപറ്റി പറഞ്ഞത് . ഒരു തരത്തില്‍ അല്ലെങ്കില്‍ മറ്റൊരു തരത്തില്‍ യോഗ മുറകള്‍ എല്ലാ അഭ്യാസമുറകളിലും കാണും എന്ന് തോന്നുന്നു.

Kvartha Test said...

ഓം ഹിന്ദു ആരാധനാംശം മാത്രമാണ് എന്ന് കരുതുന്നത് ഇന്ത്യന്‍ നാഷണല്‍ കോണ്‍ഗ്രസ്-ന്‍റെ പതാക ഇന്ത്യന്‍ ദേശീയ പതാകപോലെയാണ് എന്ന് പറയുന്നതുപോലെയാണ്.

ശ്വസനനിയന്ത്രണം മാത്രമല്ല യോഗയുടെ ലക്ഷ്യം, യോഗയ്ക്ക് ചില Prerequisites ഉണ്ട്, ആ ചിട്ടയില്‍ പോയാലേ ഉപയോഗമുള്ളൂ എന്ന് ഈയുള്ളവന്‍ കരുതുന്നു. It's a way of life. ഒരു യോഗാസാധകന്‍റെ പ്രവര്‍ത്തിയും അങ്ങനെയായിരിക്കണം.

യോഗയും പ്രാണിക് ഹീലിംഗ് തുടങ്ങിയവയും ശരീരത്തിലെ ഊര്‍ജ്ജചക്രങ്ങളെ (energy centers/chakras, അഥവാ മര്‍മ്മങ്ങളെ) അടിസ്ഥാനമാക്കിയാണ് പ്രവര്‍ത്തിക്കുന്നത് എന്നാണ് ഈയുള്ളവന്‍റെ അറിവ്.

ഓം എന്ന ശബ്ദം പുറപ്പെടുവിക്കേണ്ട രീതിയില്‍ പുറപ്പെടുവിച്ചാല്‍ അതിന് പ്രത്യേകതകള്‍ ഉണ്ടത്രേ. കൂടുതല്‍ അറിയാന്‍ നല്ല രീതിയില്‍ യോഗ അറിയാവുന്ന ഒരു ഗുരുവിനെ സമീപിക്കുക! ഈയുള്ളവന് കൂടുതല്‍ പറഞ്ഞു തരാന്‍ അറിയില്ല.

അനില്‍@ബ്ലോഗ് // anil said...

ശ്രീ @ ശ്രേയസ്,
യോഗയെപറ്റി എനിക്കൊരു അക്ഷരം പോലും അറിയില്ല. വേറും കേട്ടുകേഴ്വി പറഞ്ഞതാണ്. അത് കാര്യമായെടുക്കണ്ട.

മാണിക്യം said...

ശ്രീ @ ശ്രേയസ് .....
യോഗ പരിശീലിക്കുമ്പോള്‍ ഓം
എന്നതിന് പകരം അള്ളാ
എന്ന് പറഞ്ഞാലും മതിയല്ലോ...


ॐ..... Breath in
अल्लाह .....Breath out
so inhale ॐ and exhale अल्लाह
cant live without
breathing in & out

Hinduisam is a way of life
not only a religion...

& all indians are hindus
by nature!

vijayagopal said...

സാംസ്കാരികമായ യാതൊരു കൊടുക്കല്‍ വാങ്ങലുകള്‍ക്കും മോഹമ്മതന്‍മാര്‍ തയ്യാറല്ല എന്നതിന്റെ മറ്റൊരു ഉദാഹരണം. കേരളത്തില്‍ അടുത്ത കാലത്തെ ഉണ്ടായ നിലവിളക്ക് വിവാദം ഓര്ക്കുക. മോഹമ്മതീയ കള്‍ട്ട് ലോകം ആകെ പ്രകടിപ്പിക്കുന്ന സ്വഭാവം ആണേ ഇത്. മറ്റുള്ളവര്‍ അവരുടെ അറബ് കള്‍ട്ട് ടോലെരറെ ച്യെയ്യണം.

Kvartha Test said...

"അനില്‍@ബ്ലോഗ് പറഞ്ഞു,
യോഗയെപറ്റി എനിക്കൊരു അക്ഷരം പോലും അറിയില്ല. വേറും കേട്ടുകേഴ്വി പറഞ്ഞതാണ്. അത് കാര്യമായെടുക്കണ്ട."


അയ്യോ അനിലേ, ഈയുള്ളവന്‍ ഉടക്കാനൊന്നും പറഞ്ഞതല്ല. :-) കേട്ടിട്ടുള്ളത് / വായിച്ചിട്ടുള്ളത് പറഞ്ഞു എന്നുമാത്രം. ആര്‍ക്കെങ്കിലും ഉപയോഗമുണ്ടാകുന്നെങ്കില്‍ ഉണ്ടാകട്ടെ എന്ന് കരുതി, അത്രേയുള്ളൂ. ഈയുള്ളവനെ ഒരു ഉടക്കനായി ലേബല്‍ ചെയ്തോ?!

ബഷീർ said...

ഓം / ഓംകാരം ശ്വസന പ്രക്രിയക്ക്‌ ഉതകുന്ന ഒരു വാക്ക്‌ എന്നതിലുപരി ആരാധനയുടെ ഭാഗമായി ഉപയോഗിക്കുന്നതാണെന്നാണ് എന്റെ അറിവ്‌.ആള്‍ ദൈവങ്ങള്‍ അതിനെ തങ്ങളുടെ ബിസിനസിന്റെ ഭാഗമായി കൊണ്ടു നടക്കുന്നുവെന്ന് മാത്രം. ഓരോ വാക്കിനും ഓംകാരമായാലും അല്ലാഹ്‌ എന്ന പദമായാലും അത്‌ ഉച്ചരിക്കേണ്ട രീതിയില്‍ ക്രമമനുസരിച്ച്‌ ഉച്ചരിച്ചാല്‍ (പ്രത്യേകിച്ചും ധ്യാനനിമഗ്നനായി ) അത്‌ ഫലം ചെയ്യുമെന്നാണ്പഠനങ്ങള്‍ തെളിയിക്കുന്നത്‌. അഞ്ചു സമയം നിസ്കരിക്കുന്ന ഒരു മുസ്ലിമിനു മറ്റു യോഗയോ എക്സ്സര്‍ സൈസുകളോ ആവശ്യമില്ലാത്ത വിധം നിസ്കാരത്തിലെ ഓരോ ചലനങ്ങളും ബ്രീത്തിംഗും ( നിസ്കരിക്കുമ്പോള്‍ ഉരുവിടേണ്ട ഖുര്‍ ആന്‍ വാക്യങ്ങളും മറ്റുമായി ) ക്രമീകരിച്ചിരിക്കുന്നു. പക്ഷെ അത്‌ യഥാവിധി നിര്‍വഹിക്കുന്നവര്‍ വളരെ വളരെ ചുരുക്കം എന്ന് മാത്രം. ഉദാഹരണത്തിനു .നിസ്കരിക്കുമ്പോള്‍ സുജൂദിന്റെ (നെറ്റി തറയില്‍ വെച്ച്‌ സ്രാഷ്ടാഗം വണങ്ങുന്ന ) സ്ഥാനത്തേക്ക്‌ നിസ്ക്കാരം കഴിയുന്നത്‌ വരെ തന്റെ ദ്ര്ഷ്ടി പതിപ്പിക്കണമെന്നുണ്ട്‌. എത്രെപേര്‍ അത്‌ ചെയ്യുന്നുണ്ട്‌ എന്ന് നിസകരിക്കുന്നവരെ ശ്രദ്ധിച്ചാല്‍ മനസ്സിലാക്കാവുന്നതേയുള്ളൂ (മൊബയില്‍ ഫോണ്‍ കാരണം മറ്റുള്ളവരുടെ ശ്രദ്ധയും കളയുന്ന തരത്തിലായിരിക്കും കാണുക )

അപ്പോള്‍ ഓരോ ആചാരത്തിനും അനുഷ്ടാനത്തിനും നാം കാണാത്ത ഗുണങ്ങള്‍ ഉണ്ടായിരിക്കും. എന്ന് വെച്ച്‌ ഞാന്‍ ചെയ്യുന്നതൊക്കെ മറ്റുള്ളവരും ചെയ്യണമെന്ന് പറയുന്നതും, മറ്റുള്ളവര്‍ ചെയ്യാത്തത്‌ കൊണ്ട്‌ അവരെല്ലാം സംസ്കാരം ഉള്‍കൊള്ളാന്‍ കഴിയാത്തവരാണെന്നും പറയുന്നതില്‍ അര്‍ത്ഥമില്ല. ഈ പറയുന്നവരോട്‌ നിങ്ങള്‍ അഞ്ചു സമയം നിസ്കരിക്കണമെന്ന് ആരെങ്കിലും പറയുന്നുണ്ടാവുമെന്ന് ഞാന്‍ കരുതുന്നില്ല.

യോഗ ചെയ്യുന്ന നിരവധി മുസ്ലിംങ്ങള്‍ ഉണ്ട്‌. അവര്‍ ഓം കാരം പറയാറില്ല. അത്‌ പോലെ നാട്ടില്‍ (മുന്നെ) പല കളരികളിലും, ഹൈന്ദവ സഹോദരങ്ങള്‍നടത്തുന്നവയില്‍ തുടക്കത്തില്‍ കളരി പരമ്പര ദൈവങ്ങളെ വന്ദിച്ചു കൊണ്ടായിരിക്കും തുടക്കം. അവിടെ പഠിക്കുന്ന മറ്റ്‌ മതസ്ഥര്‍ , അത്‌ ഉള്‍കൊള്ളാന്‍ കഴിയാത്തതിനെ സംസ്കാരം ഉള്‍കൊള്ളാന്‍ കഴിയാത്തവരാണെന്ന് ആരും പറയാറില്ല. അത്‌ പോലെ മുസ്ലിം ആയ കളരി ആശാന്മാര്‍ ഇസ്ലാമികമായ (ബിസ്മിയും മറ്റും ചൊല്ലി ) ആചരണങ്ങളോടെയായിരിക്കും പഠനം തുടങ്ങുക. എന്റെ അനുഭവത്തില്‍ ഞാനും എന്റെ അടുത്ത സുഹ്ത്തുക്കളായ രവിയും ,ജോണിയും ,ഫൈസലും അടക്കം 25 ലധികം പഠിതാക്കള്‍ ഉണ്ടായിരുന്ന മാര്‍ഷ്യല്‍ ആര്‍ട്‌സ്‌ ക്ലാസിന്റെ പ്രധാന അധ്യപകന്‍ മുസ്ലിം, പിന്നെ സ്ഥിരം അധ്യാപകര്‍ ഹിന്ദുവും, ക്ര്യ്സ്ത്യാനിയായ ബിജു. തുടക്കത്തില്‍ ഒരു നിമിഷം പ്രാര്‍ത്ഥന അവരവരുടെ ഇഷ്ടമനുസരിച്ച്‌. ഇന്ന് അങ്ങിനെയുള്ള സംഗമങ്ങള്‍ അസാധ്യമായ വിധത്തില്‍ ദ്രുവീകരണം നടക്കുന്നു എന്നതില്‍ ദുഖമുണ്ട്‌.

അല്ലാഹ്‌ എന്ന വാക്കിനു ഹീലിംഗ്‌ പവര്‍ ഉണ്ടെന്ന് മുസ്ലിംങ്ങള്‍ വിശ്വസിക്കുന്നു. അവര്‍ അത്‌ വേണ്ടവിധം പറയാന്‍ പഠിക്കുന്നില്ലെങ്കിലും !! എന്ന് വെച്ച്‌ ഇനി മുതല്‍ ഓം പറയുന്നവരെല്ലാം അല്ലാഹ്‌ എന്ന് പറഞ്ഞാല്‍ മതി എന്ന് വെളിവുള്ള ഒരാള്‍ പറയുമോ ?


go throug this report and blog

Allah-healing-sound>

prostration>

അനില്‍ശ്രീ... said...

ബഷീര്‍ ഭായ്,

പറഞ്ഞത് ശരി തന്നെ... വിജയഗോപാലിന്റെ അഭിപ്രായത്തോട് പൂര്‍ണ്ണമായും യോജിക്കാന്‍ സാധിക്കില്ല. അതുപോലെ ഓംകാരത്തെ പറ്റി പറഞ്ഞത് എന്റെ ഭാഗം ഒന്നു കൂടി ക്ലാരിഫൈ ചെയ്യട്ടെ. യോഗ എന്നത് പുരാതന കാലത്തെ ഉള്ളതാണ് എന്നാണ് എന്റെ ധാരണ. അതിനും ശേഷമാകണം ഹിന്ദുമതം രൂപപ്പെട്ടത്. അതു കൊണ്ടാണ് ഞാന്‍ പറഞ്ഞത് ഓം എന്നത് ആദ്യം വന്നു എന്നും, പിന്നീട് ഹിന്ദുക്കള്‍ അത് ഒരു മന്ത്രമാക്കിയതാണ് എന്നും.

പക്ഷേ അപ്പോഴും യോഗ മുഴുവനായും ഒഴിവാക്കണം എന്ന് പറഞ്ഞ ഫത്വയെ പറ്റി ബഷീര്‍ ഒന്നും പറഞ്ഞു കണ്ടില്ല. പറഞ്ഞതു പോലെ ഇങ്ങനെ മറ്റു മതങ്ങളുടെ ആരാധനാ ക്രമങ്ങളില്‍ വരുന്നത് ഒഴിവാക്കണം എന്ന് പറഞ്ഞാല്‍ പോരേ?

ഒരു ചുമ്മാ പോയിന്റ്.
ജീവനുള്ളവയുടെ പടങ്ങള്‍ പ്രദര്‍പ്പിക്കരുത് എന്ന് പറയുന്ന പണ്ഡിതന്മാരുടെ പോലും ഫ്ലക്സുകള്‍ വഴിയില്‍ കാണുന്ന കാലമാണ്. എല്ലാ വഴികളിലും നേതാക്കന്മാരുടെ പടങ്ങള്‍ അബുദാബിയിലും ഞാന്‍ കാണാറുണ്ട്. അപ്പോള്‍ പിന്നെ ഈ യോഗ പോലെയുള്ള അഭ്യാസങ്ങള്‍ മതത്തിന്റെ ചട്ട കൂടുകള്‍ക്ക് എതിരാണ് എന്ന് പറയുന്നത് എന്തു കൊണ്ടാണ്?

ബഷീർ said...

അനില്‍ഭായ്‌,
ഫത്‌ വ കണ്ടിട്ടില്ല. എന്താണാ ഫത്‌ വയുടെ കാരണമെന്നും അറിയില്ല.

എ.കെ. പറഞ്ഞതില്‍ കൂടുതലായി ആ വിഷയത്തില്‍ എനിക്കറിയാത്തതിനാല്‍ വിട്ടതാണ്

മതത്തില്‍ പുതുതായി ഉണ്ടാക്കുന്ന (അടിസ്ഥാനപരമായി ഖുര്‍ ആനിനും , നബി ചര്യക്കും എതിരായി ) എല്ലാം വര്‍ജ്ജിക്കണമെന്നാണ്.

ഫോട്ടോയുടെ കാര്യത്തിലും : )

(പിന്നെ അബുദാബിയില്‍ എന്ത്‌ ചെയ്യുന്നു. സൗദിയില്‍ എന്ത്‌ ചെയ്യുന്നു എന്ത്‌ ചെയ്യുന്നില്ല എന്നത്‌ ഒരു മാനദണ്ഡമല്ല. എന്ന് മാത്രം പറയട്ടെ )

നന്ദി

കൂടുതല്‍ അതിനെ പറ്റി അറിയുന്നവര്‍ പറയട്ടെ

പാര്‍ത്ഥന്‍ said...

ഗോപാൽജി പറഞ്ഞ 'നിലവിളക്കു വിവാദം' ആരും എതിർക്കുന്നില്ല എന്നു തോന്നുന്നു. പക്ഷെ അതിലെ അസഹിഷ്ണുത കണ്ടില്ലെന്നു നടിക്കാനാവില്ല.

ബഷീർ വെള്ളറക്കാടിനോട്‌:
ഓം / ഓംകാരം ശ്വസന പ്രക്രിയക്ക്‌ ഉതകുന്ന ഒരു വാക്ക്‌ എന്നതിലുപരി ആരാധനയുടെ ഭാഗമായി ഉപയോഗിക്കുന്നതാണെന്നാണ് എന്റെ അറിവ്‌.

താങ്കൾ ഏതു പുസ്തകത്തിൽ നിന്നാണ്‌ ഓംങ്കാരത്തിനെക്കുറിച്ച്‌ വായിച്ചത്‌.

അള്ളാഹു പറഞ്ഞു 'എന്നെ അള്ളാഹു അക്ബർ' എന്നു വിളിച്ചു പ്രാർത്ഥിക്കണം എന്ന്. അതുകൊണ്ട്‌ വേറൊന്നും പറയാൻ പാടില്ല. അത്‌ അങ്ങിനെ തന്നെ തുടരട്ടെ.

പക്ഷെ ഒരു ഹിന്ദു ദൈവവും എന്നെ 'ഓം' എന്നു സംബോധന ചെയ്യണം എന്നു പറഞ്ഞതായി അറിവില്ല.

ശബ്ദശാസ്ത്രത്തിന്റെ പരീക്ഷണ നിരീക്ഷണങ്ങളിൽ നിന്നും കണ്ടെത്തിയിട്ടുള്ള ശാസ്ത്രസത്യമാണ്‌ 'ഓം'. അത്‌ ഹിന്ദു ദൈവത്തിന്റെ മണ്ടയ്ക്കു വെച്ച ശാസ്ത്രപുംഗവന്മാർക്ക്‌ ഒരു ഹാറ്റ്‌സ്‌ ഓഫ്‌.

യോഗ പഠിക്കാൻ നിരവധി മുസ്ലീംങ്ങൾ പോകുന്നുണ്ട്‌. എന്തിന്‌ ശ്രീ രവിശങ്കറിന്റെ തട്ടിപ്പിനു പോലും പോകുന്നുണ്ട്‌. പക്ഷെ അവർ ഓം എന്ന് ഉച്ചറിക്കാറില്ല. മുസ്ലീം അല്ലാതായിത്തിർന്നെങ്കിലോ എന്ന ഭയമായിരിക്കാം.

വരുമാനമാർഗ്ഗമാവുമെങ്കിൽ അതും ഒരു പ്രശ്നമല്ല. ആയുർവ്വേദം പഠിക്കാൻ ഇന്ന് നിരവധി മുസ്ലിംങ്ങൾ വരുന്നുണ്ട്‌. ഇപ്പോൾ തന്നെ ഒരുപാട്‌ വൈദ്യന്മാർ ഉണ്ട്‌. വൈദ്യം പഠിച്ചു തുടങ്ങുന്നത്‌ അതിന്റെ മൂർത്തിയായ 'ധന്വന്തരി' യെ പ്രാർത്ഥിച്ചുകൊണ്ടാണെന്നാണ്‌ പറഞ്ഞുകേട്ടിട്ടുള്ളത്‌. അങ്ങിനെയാവുമ്പോൾ എല്ലാ മുസ്ലിം വൈദ്യന്മാരും ആ തൊഴിൽ നിർത്തേണ്ടി വരുമല്ലോ. അതിന്‌ വേറെ ദൈവത്തിനെ കണ്ടു പടിച്ചാലും മതിയല്ലോ.

പാര്‍ത്ഥന്‍ said...

A.K./എ.കെ. (പറഞ്ഞു)

INDIAN MUSLIMS WIL NOT FOLLOW ANY FATWA FROM ANY PART OF THE WORLD IF ITS IS AGAISNT THE QURAN AND SUNNATH.

* ഖുർ ആനിനു എതിരായി എങ്ങിനെയാണ് ഫത്വ പുറപ്പെടുന്നത് എന്നു മനസ്സിലയില്ല.
(ഖുർ ആനിനു അനുകൂലമായ ഫത്വ ആണെങ്കിൽ എന്തായിരിക്കും തീരുമാനം?)

here YOGA is practicing with some slogans of hindhus (likd om etc ) and its entirely opposits of ILSMIC belief that why (may be ) this sholars produce this fatwa.

** ഹിന്ദു എന്ന മത വിഭാഗം ഇവിടെ റജിസ്റ്റർ ചെയ്യുന്നതിനും മുൻപ് പരോപകാരപ്രദം ജീവിതം നയിച്ചിരുന്ന ഋഷിമാർ കണ്ടു പിടിച്ചിട്ടുള്ളതാണ് യോഗചര്യകൾ. അതിന് പേറ്റന്റ് നേടാതിരുന്നതും അതുകൊണ്ടാണ്.
-------------------------

അനിൽശ്രീ:(പറഞ്ഞു)

എന്റെ അറിവനുസരിച്ച് "ഓം" എന്നതു പോലും ശ്വസനവുമായി ബന്ധപ്പെട്ട ഉരുത്തിരിഞ്ഞതാണ്. അത് ഹിന്ദുക്കളുടെ മൂല മന്ത്രമായി പരിണമിച്ചതാണ് എന്ന് തോന്നുന്നു.

*** ഹിന്ദുമതം എന്ന ഒന്ന് പണ്ടുകാലത്ത് ഉണ്ടായിരുന്നില്ല. എന്നാലല്ലെ അത് ഹിന്ദുവിന്റെ ആയിരുന്നു എന്നു പറയാൻ കഴിയൂ. ഹൈന്ദവാചാരങ്ങൾ, സനാതനധർമ്മം എന്നൊക്കെ പറഞ്ഞിരുന്നത് ഈ ഉപഭൂഖണ്ഡത്തിലെ ജീവിത രീതിയായിരുന്നു. അതിൽ നിന്നും കടഞ്ഞെടുത്തിട്ടുള്ള ശാസ്ത്ര സത്യങ്ങളിൽ പെട്ടതാണ് ഈ ‘ഓം’ എന്ന അഹാഹതനാദവും യോഗചര്യ തുടങ്ങിയവയും. ഇന്നും ഒരാളും യോഗ ഹിന്ദുവിന്റെ എന്ന് അവകാശപ്പെട്ടതായി അറിവില്ല. ഇന്ന് യോഗയുടെ പുസ്തകങ്ങൾ ഏറ്റവും കൂടുതൽ എഴുതി വിറ്റഴിക്കുന്നത് വിദേശികളാണ്.

അനില്‍@ബ്ലോഗ് // anil said...

പാര്‍ഥന്‍,
അനില്‍ശ്രീ പറഞ്ഞത് ശരിയല്ലെ?
ഹിന്ദു എന്ന പദം കൊണ്ട് വിവക്ഷിക്കുന്നത് ഒരു സംസ്കാരത്തെയാണ് എന്ന് നാം നൂറുവട്ടം ആണയിട്ടു പറയാറുണ്ട്. അതങ്ങിനെ ആയിരുന്നു താനും. മറ്റു മതങ്ങള്‍ പോലെ ട്രേഡ് മാര്‍ക്കുകള്‍ വച്ചു വേര്‍തിരിച്ചു നിര്‍ത്തുന്ന ഒന്നല്ല ഹൈന്ദവത, അന്നും ഇന്നും. ചില രാഷ്ടീയ പാര്‍ട്ടികള്‍ ഈ സാംസ്കാരിക പൈതൃകങ്ങളെ , വിശ്വാസങ്ങളെ വോട്ടിനായി ഉപയോഗിക്കാന്‍ തുടങ്ങിയ അന്നു മുതലാണ് ഇതിന് ഒരു ബ്രാന്‍ഡ് നെയിം കൈവരുന്നതെന്നാണ് എന്റ്റെ പക്ഷം.

ഭാരതത്തില്‍ ഉരുത്തിരിഞ്ഞുവന്ന യോഗയായാലും, കളരിപ്പയറ്റു പോലെയുള്ള മറ്റു വിദ്യകളായാലു , പ്രാര്‍ത്ഥന , ധ്യാനം, വണങ്ങല്‍ തുടങ്ങിയ നിരവധി കാര്യങ്ങള്‍ അടങ്ങിയിരിക്കുന്നു. പക്ഷെ അത് “ഹിന്ദു ദൈവങ്ങളെ “ പ്രാര്‍ത്ഥിക്കുകയല്ല മറിച്ച് , ഒരു ചട്ടക്കൂടിന്റെ ഭാഗം മാത്രമാണെന്ന് തിരിച്ചറിയാനുള്ള ബോധം ഇല്ലാത്തതാവും ഇത്തരം വിലക്കുകള്‍ക്കു കാരണം.

ഇസ്ലാം മതം ഒരു ജീവിതരീതിയാണെന്നു പ്രചരിപ്പുന്നവര്‍ക്ക്, മറ്റു രീതികള്‍ സ്വന്തം ജീവിതത്തില്‍ എങ്ങിനെ പകര്‍ത്താനാവും?
നിസ്കാരം തന്നെ ഒരു തരം വ്യായാമമായാണ് എനിക്കു തോന്നിയിട്ടുള്ളത്.

ലോകത്തിലെ ബഹുഭൂരിപക്ഷവും ഇത്തരം സങ്കുചിത ചിന്തകള്‍ക്കു പുറത്താണ് ജീവിക്കുന്നത്ത്.

പാര്‍ത്ഥന്‍ said...

അനിൽ@ബ്ലോഗ് :

അനിൽശ്രീ പറഞ്ഞത് തെറ്റാണെന്നു പറയാനല്ല കമന്റെഴുതിയത്. ഒന്നു കൂടി വിശദമാക്കാനായിരുന്നു. പിന്നെ ‘ഓം’ മൂലമന്ത്രമാകുന്നുണ്ടോ എന്ന കാര്യം അറിവുള്ളവർ പറയട്ടെ. ഞാൻ മനസ്സിലാക്കിയിടത്തോളം ‘ഓം’ മൂല മന്ത്രമല്ല. മൂല മന്ത്രം എന്നു പറയുന്നത് ഒരു പ്രത്ര്യേക മൂർത്തിയെ ഉദ്ദേശിച്ചു ചെയ്യുന്ന ഉപാസനാ മന്ത്രമാണ് എന്നാണ് . ‘ഓം’ എവിടെയും ആർക്കും സിനിമാപാട്ടുപോലെ ഉപയോഗിക്കാം. അത് ഒരു ഗുരുവിന്റെ നിർദ്ദേശപ്രകാരം കാലക്രമമനുസരിച്ച് ശീലിച്ചാൽ ശ്വാസ നിയന്ത്രണം ലഭിക്കും.

അനില്‍ശ്രീ... said...

പാര്‍ത്ഥന്‍,
എന്റെ അടുത്ത കമന്റില്‍ എനിക്ക് തോന്നിയ കാര്യം ഞാന്‍ ഒന്നു കൂടി പറഞ്ഞിരുന്നു.

"യോഗ എന്നത് പുരാതന കാലത്തെ ഉള്ളതാണ് എന്നാണ് എന്റെ ധാരണ. അതിനും ശേഷമാകണം ഹിന്ദുമതം രൂപപ്പെട്ടത്. അതു കൊണ്ടാണ് ഞാന്‍ പറഞ്ഞത് ഓം എന്നത് ആദ്യം വന്നു എന്നും, പിന്നീട് ഹിന്ദുക്കള്‍ അത് ഒരു മന്ത്രമാക്കിയതാണ് എന്നും."

"ഹിന്ദുമതം" രൂപപ്പെട്ട ശേഷമാണ് ഇതൊക്കെ ഒരു മന്ത്രത്തിന്റെ രൂപത്തില്‍ വന്നത് എന്നാണ് എനിക്ക് തോന്നിയത്. അതും ഉറപ്പുള്ള കാര്യമൊന്നുമല്ല. "ഓം" എന്നതിനെ പറ്റി വിക്കിയിലെ ലേഖനം ഇവിടെയുണ്ട്.. പക്ഷേ അതും ഹിന്ദുമതത്തെ അടിസ്ഥാനമാക്കിയാണ് അവതരിപ്പിച്ചിരിക്കുന്നത്. വേദകാലം മുതല്‍ ഇതുണ്ട് എന്നല്ലാതെ വേറെ ഒന്നും പറയുന്നില്ല.

പക്ഷേ ഇവിടെ ഓം മാത്രമല്ല പ്രശ്നം കേട്ടോ. മറ്റു പല കാരണങ്ങളും ഈ ഫത്വക്ക് പുറകില്‍ കാണും. യോഗ ഹിന്ദുക്കളുടെ മാത്രമാണോ? ഇനി "കുങ്ഫൂ" ബുദ്ധമതക്കാരുടെ ആണെന്ന് പറഞ്ഞ് അതിനെതിരെയും ഫത്വ വരാന്‍ സാധ്യതയുണ്ട്.

പാര്‍ത്ഥന്‍ said...

അനിൽശ്രീ:

പക്ഷേ അതും ഹിന്ദുമതത്തെ അടിസ്ഥാനമാക്കിയാണ് അവതരിപ്പിച്ചിരിക്കുന്നത്.

നമ്മൾ അങ്ങിനെയാണ് മനസ്സിലാക്കുന്നതെന്നർത്ഥം.

യാതൊന്നാണോ ഒരുവന്റെ ആത്മാവിനെ ആനന്ദിപ്പിക്കുന്നത് അതാണ് സ്വരം (സ്വ+രം).
ഇവിടെയും ഭാരതീയമായ രീതിയിൽ സ്വരങ്ങൾക്ക് കുലവും ജാതിയും വർണ്ണവും പറഞ്ഞാലേ ശരിയാവുള്ളൂ എന്ന ഒരു തരം വീക്ഷണമായിരുന്നു പണ്ടുകാലത്തുണ്ടായിരുന്നത്‌. (അതും ഹിന്ദുമതത്തെ അടിസ്ഥാനമാക്കിയല്ല.)

സപ്തസ്വരങ്ങളുടെ ജാതികുലങ്ങൾ കേട്ടിട്ടുണ്ടോ.
ഷഡ്ജവും ഗാന്ധാരവും മദ്ധ്യമവും ദിവ്യമായ ഗീർവാണകുലത്തിൽനിന്നും വരുന്നു. പഞ്ചമം വരുന്നത് പ്രേതലോകത്തിൽ നിന്നും. രിഷഭവും ധൈവതവും ഋഷികുലത്തിൽനിന്നും. അതുപോലെ ഷ്ഡ്ജം പഞ്ചമം മദ്ധ്യമം എന്നിവയെ ബ്രാഹ്മണസ്വഭാവമുള്ളതായും, രിഷഭം ധൈവതം മുതലായവ ക്ഷാത്രസ്വഭാവമുള്ളതായും, നിഷാദം ഗാന്ധാരം എന്നിവ വൈശ്യ സ്വഭാവമുള്ളതായും പറയുന്നു.

ഇതു മാത്രമോ, സ്വരങ്ങൾക്കെല്ലാം ഋഷിമാരും ദേവതകളും ഉണ്ട്. ഇതെല്ലാം വായിക്കുമ്പോൾ സാധാരണക്കാർക്ക് വെറും ഒരു കെട്ടുകഥകൾ മാത്രം. പക്ഷെ നാദോപാസകർക്ക് ഇതിലെ പൊരുൾ എന്തെന്നു മനസ്സിലാക്കാനാവും. അതുകൊണ്ട്‌ നമുക്കു ഒരു കാര്യം മാത്രം ചെയ്യാം. ‘ഓം’ നെ ഹിന്ദു ആക്കാതിരിക്കാം.

പാര്‍ത്ഥന്‍ said...

അനിൽ ഒന്നുകൂടി പറയാൻ വിട്ടുപോയി.

അങ്ങിനെയെങ്കിലും ‘ഓം‘ ഒരു ഫത്വയിൽ നിന്നും രക്ഷപ്പെടട്ടെ.

അനില്‍ശ്രീ... said...

"പരബ്രഹ്മത്തെ പ്രതിനിധാനം ചെയ്യുന്ന ശബ്ദമാണ് ഓം" എന്ന് തുടങ്ങിയിരിക്കുന്നതിനാലാണ് ഞാന്‍ അങ്ങനെ പറഞ്ഞത് കേട്ടൊ.. ആ ലേഖനത്തിലും ഓം എവിടെ നിന്ന് തുടങ്ങി എന്നോ പാര്‍ത്ഥന്‍ പറഞ്ഞ കാര്യങ്ങളോ ചേര്‍ത്തു കണ്ടില്ല... അപ്പോള്‍ അത് വായിക്കുന്നവരിലും ഓം ഒരു ഹിന്ദു പ്രതീകമാണെന്നേ തോന്നൂ..

ഉഗ്രന്‍ said...

ഈ വാര്‍ത്ത വായിച്ചതു മുതല്‍ ഇതിനെ കുറിച്ച് ഒരു പോസ്റ്റ് എഴുതണം എന്ന് വിചാരിച്ചിരുന്നതാണ്. എന്തായാലും താങ്കള്‍ അത് ഭംഗിയായി എഴുതി.

"ഓം" എന്നത്, ഇന്ന് ഹൈന്ദവ മതം എന്ന് നമ്മള്‍ വിവക്ഷിക്കുന്ന മതത്തിന്‍‌റ്റെ ഒരു ഭാഗമാണെന്നും അല്ലെന്നും ഉള്ള അഭിപ്രായങ്ങള്‍ സുലഭമാണ്‌. അത്, ഇന്നത്തെ ഹിന്ദു മതം പുരാതന കാലം മുതലേ ഉള്ള ഒരു മതമായിരുന്നോ, അതോ പുരാതനമായ സംസ്കാരത്തെ ഒരു മതത്തിന്‍‌റ്റെ ചട്ടക്കൂട്ടില്‍ ഇന്ന് ലേബല്‍ ചെയ്യപ്പെടുന്നതാണോ എന്ന വിശാലമായ ചര്‍ച്ചയുടെ ഒരു ഭാഗവും ആണ്‌. എന്തായാലും, ഈ ഒരു സംശയം കൊണ്ട് തന്നെ‍ ഇത് ഇസ്ലാമിക വിശ്വാസത്തിന്‌ വിരുദ്ധമാകും എന്നാണ്‌ എനിക്ക് തോന്നുന്നത്. ഇതില്‍ അസഹിഷ്ണുത ഉള്ളതായി എനിക്ക് തോന്നുന്നില്ല. എന്നാല്‍ മുസ്ലിം എന്നവകാശപ്പെടുന്നവന്‍, ഒട്ടനവധി മനുഷ്യര്‍ ബഹുമാനിക്കുന്ന അല്ലെങ്കില്‍ ആരാധിക്കുന്ന "ഓം" എന്ന ശബ്ദത്തെ അവഹേളിക്കുന്നെങ്കില്‍ അതിനെ നമുക്ക് അസഹിഷ്ണുത ആയി കാണാം.

എന്തായാലും എലിയെ പേടിച്ച് ഇല്ലം ചുടുന്നതിന്‌ സമാനമായേ ഞാന്‍ ഈ ഫത്‌വയെ കാണുന്നുള്ളൂ. അല്ലെങ്കില്‍ യോഗയെ അപ്പാടെ നിരോധിക്കുന്നതിനു പകരം, "മുസ്ലിങ്ങള്‍ യോഗ ചെയ്യുമ്പോള്‍ ഇസ്ലാമിനു വിരുദ്ധമാകാവുന്ന ശബ്ദങ്ങളും പ്രാര്‍ഥനകളും ഒഴിവാക്കണം" എന്നൊരു ഫത്‌വ ഇറക്കെണ്ട കാര്യമല്ലേ ഉള്ളൂ?

:)

ഉഗ്രന്‍ said...

For tracking!
:)

നേരന്‍ said...

ഇസ്ലാം ദൈവീ‍ക മതം, സമ്പൂര്‍ണ്ണം, ശബ്ദത്തെ സൃഷ്ടിച്ച ദൈവം തന്നെയാണു ഇസ്ലാമിന്റെയും സൃഷ്ടാവ്, ‘ഓം’ കാരത്തിന്റെ സൃഷ്ടാവും അല്ലാഹു തന്നെ.

അല്ലാഹു എല്ലാ സ്വരങ്ങളേയും എല്ലാ ചരാചരങ്ങളേയും ആശയക്കുഴപ്പമില്ലാതെ സൃഷ്ടിച്ചെങ്കിലും അവന്റെ മതത്തിന്റെ ആശയക്കുഴപ്പം തുടരുന്നു. ഇനിയുമെത്ര വേര്‍ഷനിറങ്ങുമെന്നു അല്ലാഹുവിനോടുതന്നെ ചോദിക്കേണ്ടിവരും. മലേഷ്യയില്‍ ഒന്നാണെങ്കില്‍ ഇന്‍ഡ്യയില്‍ മറ്റൊന്ന്.

അനില്‍ശ്രീ... said...

ഉഗ്രന്‍

ഈ പറയുന്ന 'ഓം' ആണ് ആ ഫത്വക്ക് കാരണം എന്ന് റിപ്പോര്‍ട്ടില്‍ പറഞ്ഞിട്ടില്ല. ആവാം എന്ന സംശയം ആണ് ഞാന്‍ പറയുന്നത്. ഓം പോലെയുള്ള "ഹിന്ദുത്വം" ആരോപിക്കപ്പെടാവുന്ന ചില രൂപകങ്ങള്‍ യോഗയില്‍ ഉണ്ടെന്ന് തോന്നുന്നു. പക്ഷേ അതൊന്നും ഇത് പൂര്‍ണ്ണമായി നിരോധിക്കാനുള്ള കാരണമാകുന്നില്ല. ഇത് ഒരു തരം സങ്കുചിതവും യാഥാസ്ഥിതികവുമായ മനോഭാവമാണ് കാണിക്കുന്നത് എന്ന് തോന്നുന്നു.

മേല്‍കൊടുത്ത ഒരു കമന്റില്‍ ഞാന്‍ ഫോട്ടോയുടെ കാര്യം ചുമ്മാ പോയിന്റ് എന്ന് പറഞ്ഞ് എഴുതിയത് എന്താണെന്നാല്‍ മതപരമായി നോക്കിയാല്‍ നിരോധിക്കേണ്ട കാര്യങ്ങള്‍ പലതും ഈ ആധുനിക യുഗത്തില്‍ സൗകര്യ പൂര്‍‌വ്വം മറച്ചു പിടിച്ചു കൊണ്ടാണ് ഇത്തരം ഫത്വകള്‍ ഇറക്കുന്നത് എന്നത് ഒരു വിരോധാഭാസം ആയി തോന്നിയതിനാലാണ്.

അനില്‍@ബ്ലോഗ് // anil said...

Malay royal questions ban on yoga for Muslims

നേരന്‍ said...

‘ മതപരമായി നോക്കിയാല്‍ നിരോധിക്കേണ്ട കാര്യങ്ങള്‍ പലതും ‘ - ഉഗ്രാ; ഇങ്ങിനെ ജനറലൈസ് ചെയ്യാതെ, രണ്ട് ഉദാഹറണം പറയാമോ ?

ഇതര മതങ്ങളുമായി ഒരു തരത്തിലും സാദൃശ്യം പാലിക്കരുതെന്നാ ഇസ്ലാമികാധ്യാപനം, അതുകൊണ്ടാണ് ബഷീര്‍ വെള്ളറക്കാട്/pb
ഓരോ വാക്കിനും ഓംകാരമായാലും അല്ലാഹ്‌ എന്ന പദമായാലും അത്‌ ഉച്ചരിക്കേണ്ട രീതിയില്‍ ക്രമമനുസരിച്ച്‌ ഉച്ചരിച്ചാല്‍ (പ്രത്യേകിച്ചും ധ്യാനനിമഗ്നനായി ) അത്‌ ഫലം ചെയ്യുമെന്നാണ് പഠനങ്ങള്‍ തെളിയിക്കുന്നത്‌.
എന്നും കണ്ടുപിടിച്ചുകളഞ്ഞത്, ( ഏതുപഠനമാണാവോ ?)

അനില്‍ശ്രീ... said...

നേരന്‍,
ആ പറഞ്ഞത് ഉഗ്രന്‍ അല്ല, ഞാനാണ്. പറഞ്ഞ കാര്യത്തിന് ഉദാഹരണം പറഞ്ഞിട്ടുണ്ടല്ലോ. ജീവനുള്ളവയുടെ പടം പ്രദറ്ശിപ്പിക്കുന്നതിനെ പറ്റിയാണ് ഞാന്‍ പറഞ്ഞത്. അത് തെറ്റല്ല എന്നുണ്ടോ?

നേരന്‍ said...

അനില്‍ശ്രീ : താങ്കളുടെ ജാഗ്രതൈയ്ക്കു നന്ദി. മതങ്ങളില്‍ എന്റെ അറിവില്‍ -"most practical religion" ആണു ഇസ്ലാം, മതാധ്യാപനങ്ങളോട് കഴിയുമെങ്കില്‍ പൂര്‍ണ്ണമായും കൂറുപുലര്‍ത്തുന്നവരാണു മുസ്ലിംകള്‍, രണ്ടാമതേ മറ്റാരും വരികയുള്ളൂ. (തന്റെ വിശ്വാസത്തിന് വേണ്ടി സ്വയം പൊട്ടിത്തെറിക്കാനുള്ള അവരുടെ നിശ്ചയദാര്‍ഢ്യം എന്നെ വേദനിപ്പിക്കുകയും ആശയക്കുഴ്ഗപ്പത്തിലാക്കുകയും ചെയ്ത ഒരുദാഹരണമാണ്).

ഉഗ്രാ,എന്നോട് ക്ഷമിക്കണം.

അനില്‍@ബ്ലോഗ് // anil said...

അനില്‍ശീ,
യോഗ പോലെ ചെയ്യാവുന്ന ഒന്നാണ് അഥവാ സമാന്യം നല്ല രീതിയില്‍ ബ്രീത്ത് എക്സര്‍സൈസും ശരീര വ്യായാമവും ഒക്കെ ചേര്‍ന്നതാണ് ഇസ്ലാമിക നിസ്കാരം എന്നാണ് എന്റെ നിരീക്ഷണം. പക്ഷെ അതില്‍ പഠനം നടത്താന്‍ പറ്റുമോ? ഗംഭീര പുകിലാവും. എല്ലാ‍ സംസ്കാരങ്ങള്‍ക്കും അവയുടെതായ ചിട്ടകളെല്ലാം തന്നെ ഉണ്ടാവും, ഉണ്ടാവണം. അല്ലാതെ ഭാരതത്തില്‍ മാത്രം സര്‍വ്വ ശാസ്തവും ഉരുത്തിരിഞ്ഞു എന്നുള്ള കാഴ്ചപ്പാട് ശരിയല്ല എന്നു തോന്നുന്നു,

അനില്‍@ബ്ലോഗ് // anil said...

നേരന്‍,
most practical relegion എന്ന പ്രയോഗം ശരിയാണോ?

മതചിട്ടകള്‍ ജീവിതത്തില്‍ പ്രാക്റ്റിക്കല്‍ ചെയ്യാന്‍ ശ്രമിക്കുന്നു എന്നതാവും ശരി.

രണ്ടിനും അര്‍ത്ഥവ്യത്യാസം ഉണ്ട്.

പാര്‍ത്ഥന്‍ said...

അനിൽശ്രീ :
ഓംങ്കാരത്തെക്കുറിച്ച്‌ വെറുതെ ഒരു കമന്റ് എഴുതിയാൽ മാത്രം പോര എന്നു തോന്നിയതുകൊണ്ട് ഒന്ന്‌ വിശദീകരിച്ച്‌ ഇവിടെ പോസ്റ്റ് ചെയ്തിട്ടുണ്ട്.

നേരന്‍ said...

അനില്‍ശ്രീ:
“യോഗ പോലെ ചെയ്യാവുന്ന ഒന്നാണ് അഥവാ സമാന്യം നല്ല രീതിയില്‍ ബ്രീത്ത് എക്സര്‍സൈസും ശരീര വ്യായാമവും ഒക്കെ ചേര്‍ന്നതാണ് ഇസ്ലാമിക നിസ്കാരം“ എന്ന താങ്കളുടെ നിരീക്ഷണം വല്ല അനുഭവത്തില്‍ നിന്നുള്ള വിവരണമാണോ, അതോ ബഷീര്‍ വെള്ളറക്കാട് മെകളില്‍ പറഞ്ഞ

“അഞ്ചു സമയം നിസ്കരിക്കുന്ന ഒരു മുസ്ലിമിനു മറ്റു യോഗയോ എക്സ്സര്‍ സൈസുകളോ ആവശ്യമില്ലാത്ത വിധം നിസ്കാരത്തിലെ ഓരോ ചലനങ്ങളും ബ്രീത്തിംഗും ( നിസ്കരിക്കുമ്പോള്‍ ഉരുവിടേണ്ട ഖുര്‍ ആന്‍ വാക്യങ്ങളും മറ്റുമായി ) ക്രമീകരിച്ചിരിക്കുന്നു.“

ഈ അഭിപ്രായത്തെ താങ്ങിയതാണോ ?

ഇസ്ലാമില്‍ ഒന്നും പുതുതായി ഇല്ല, യോഗ യ്ക്കു പകരം നിസ്കാരം, “ഓം’ ഇനു പകരം’അല്ലാഹു’ - എന്തു ചൂട്ടിക്കാട്ടിയാലും അതു ഇസ്ലാമില്‍ കാണും, അതാണ് ഇസ്ലാമിന്റെ പ്രത്യേകത, ഇസ്ലാം പരാമര്‍ശിക്കപ്പെടാത്ത ഒന്നും ഇല്ല, ഒരു സമ്പൂര്‍ണ്ണ മതം.

പിന്നെ ‘മോസ്റ്റ് പ്രാക്റ്റികല്‍’ എന്നു പറഞ്ഞതു ശരിയാണ്. ഇസ്ലാമിന്റെ ദൈവീക സങ്കല്പത്തിലെ ഏകത്വം നല്ല ഒരുദാഹരണമാണ്.

Kvartha Test said...

"പിന്നെ ‘മോസ്റ്റ് പ്രാക്റ്റികല്‍’ എന്നു പറഞ്ഞതു ശരിയാണ്. ഇസ്ലാമിന്റെ ദൈവീക സങ്കല്പത്തിലെ ഏകത്വം നല്ല ഒരുദാഹരണമാണ്."

ശ്രീ നേരന്‍,
എല്ലാ മതവും ഏകദൈവം എന്ന് തന്നെയാണ് പറയുന്നത്, ഹിന്ദുമതവും (സനാതന ധര്‍മ്മം) ക്രിസ്തുമതവും അങ്ങനെ തന്നെ. അല്ലാതെയുള്ള ചിന്തകള്‍ വികലമായ തെറ്റിദ്ധാരണ മാത്രമാണ്. കൂടുതല്‍ വായനകൊണ്ടും അറിവുള്ളവരോട് ചര്‍ച്ച ചെയ്തും അത് മനസ്സിലാക്കാം.

അനില്‍ശ്രീ... said...

നേരന്‍,പിന്നെയും ഒരു തിരുത്ത്..

അനില്‍ശ്രീ എന്ന ഞാനും അനില്‍@ബ്ലോഗ് എന്ന അനിലും രണ്ടാണ്. മെല്പ്പറഞ്ഞ കാര്യം ഞാനല്ല പറഞ്ഞത്.

അനില്‍ശ്രീ... said...

അനില്‍, അല്ലെങ്കിലും നിസ്കാരം യോഗയുമായി താരതമ്യം ചെയ്യുന്നത് ശരിയല്ല എന്ന് തോന്നുന്നു. ചുരുങ്ങിയ സമയം കൊണ്ട് ചെയ്യുന്ന നിസ്കാരത്തില്‍ യോഗയുടെ ചെറിയ ഘടകങ്ങള്‍ മാത്രമല്ലേ വരുന്നത് (വരുന്നുണ്ടെങ്കില്‍ പോലും). യോഗ എന്നത് സങ്കീര്‍ണ്ണമായ ഒരു അഭ്യാസമുറയല്ലേ? (അഭാസമുറ എന്ന് പറയുന്നത് ശരിയാണോ എന്നറിയില്ല, ജീവിതചര്യ എന്നൊക്കെ പറയാന്‍ പറ്റുമോ?..).

പിന്നെ എല്ലാ ശാസ്ത്രവും ഭാരതത്തില്‍ നിന്ന് വന്നതാണ് എന്ന് ഞാന്‍ ഒരിക്കലും വിശ്വസിക്കില്ല കേട്ടോ, അങ്ങനെ പറയുകയുമില്ല.. :). യോഗയെ പറ്റിയുള്ള പലതും വായിച്ചതില്‍ നിന്നും അതിന്റെ ഉറവിടം പുരാതന‍ ഭാരതത്തിലെ സനാതന ഋഷികളില്‍ നിന്നുമാണെന്ന് തോന്നി. അത്ര തന്നെ.. :)

നേരന്‍ said...

അനില്‍‌ശ്രീ: വീണ്ടും പേരുമാറി അല്ലെ.

Thaikaden said...

Yoga aarkku venamenkilum abhyasikkam. Ithuvareyillatha puthiya niyamangal thikachum 'foolishness' thanne.

Anonymous said...

True

Anonymous said...

ഖുര്‍ആന്‍ എന്ന ഗ്രന്ഥത്തില്‍ ഇല്ലാത്ത യാതൊരു വിശയത്തിലും പ്രവാചകന്‍ പോലും ഫത്വ കൊടുക്കാറില്ല. ഒരിക്കല്‍ ഒരാള്‍ പാല്‍കട്ടി,കൊഴുപ്പ് എന്നിവ കഴിക്കുന്നതിന് വിധി അന്യേഷിച്ചു. പ്രവാചകന്‍ പറഞ്ഞു '' അല്ലാഹുവിെന്‍റ ഗ്രന്ഥത്തില്‍ അനുവദിച്ചത് സ്വീകരിക്കുക നിരോധിച്ചത് ഉപേക്ഷിക്കുക അതില്‍ പറയപ്പെടാത്തവ നിങ്ങള്‍ക്കുള്ള ഇളവുകളാണ് അത് നിങ്ങള്‍ കഴിയുന്നത്രയും കരസ്തമാക്കിക്കൊള്ളുക''.

Popular Posts

സന്ദര്‍ശകര്‍ വന്ന വഴി