ഇന്നലെ രാത്രി എന്റെ ഭാര്യയുടെ ചേച്ചിയുടെ ഭര്‍ത്താ‍വിനെ ഞാന്‍ അബുദാബി എയര്‍പോര്‍ട്ടില്‍ നിന്നും കൊച്ചിയിലേക്ക് യാത്രയാക്കി. അപ്പോള്‍ സമയം രാത്രി 12.30. വീട്ടില്‍ വന്ന് ഞാന്‍ ഒരിക്കല്‍ കൂടി ചെക്ക് ചെയ്തു. കുഴപ്പം ഇല്ല്ല, 1.35-നു വിമാനം വരും, 2.39-നു പോകൂം എന്ന് പറഞ്ഞത് കേട്ട് സ്വസ്ഥമായി കിടന്നുറങ്ങി. ..
രാവിലെ ചേച്ചി നാട്ടില്‍ നിന്ന് വിളിച്ചു.
ഓഹ്.... ഇത്ര പെട്ടെന്ന് അങ്ങ് എത്തിയല്ലോ എന്നോര്‍ത്ത് സമാ‍ധാനത്തോടെ സംസാരം ആരംഭിച്ച ഞാന്‍ ചേച്ചിയുടെ ചോദ്യം കേട്ട് ശൂ‍ന്യമായി പോയി...
‘ചേട്ടന്‍ ഇപ്പോഴും അബുദാബിയില്‍ ആണെന്ന് വിളിച്ചു പറഞ്ഞു, , ഒന്ന് അന്വേഷിക്കാമോ?” എന്നാണ് ചോദ്യം.
ഉടന്‍ ഞാന്‍ ചേട്ടനെ വിളിച്ചു... അതെ മൊബൈല്‍ അടിക്കുന്നുണ്ട്. ചേട്ടന്‍ അബുദാബി വിട്ടിട്ടില്ല.
ചോദിച്ചപ്പോള്‍ ചേട്ടന്‍ പറഞ്ഞു,
“ ഇന്ന് വൈകുന്നേരം 4.30-നു പോകുമായിരിക്കും എന്ന് എയര്‍ ഇന്‍ഡ്യാക്കാര്‍ പറഞ്ഞത്രേ.... കുട്ടികളും, വയസ്സായവരും എല്ലാം കൂടി അവിടെ ഇരിക്കുന്നു. ഞാനും ഇരിക്കുന്നു”.
രണ്ട് വര്‍ഷങ്ങള്‍ക്ക് ശേഷം കുടുംബത്തെ കാണാം എന്ന പ്രതീക്ഷയോടെ പോയ ചേട്ടന്റെ മനസ്സിലെ വിഷമം ആ വാക്കുകളില്‍ ഉണ്ടായിരുന്നു. (ആകെ 10 ദിവസത്തേക്കാണ് ചേട്ടന്‍ നാട്ടില്‍ പോയിരിക്കുന്നത്. പുതിയ ഒരു ജോലി ശരിയായിട്ട്, വിസ ചേഞ്ച് ചെയ്യാന്‍ കിഷില്‍ പോകാതെ കമ്പനിക്കാരുടെ കാലു പിടിച്ച് കിട്ടിയ “വെക്കേഷന്‍ ” ആണിത്).
ഇന്നലെ ചെക്ക്-ഇന്‍ ചെയ്യുമ്പോള്‍ എങ്കിലും ആ *^$#%*< , >*&*$^# പറഞ്ഞിരുന്നു എങ്കില്‍ ഇന്ന് ഉച്ച കഴിഞ്ഞ് പോയാല്‍ മതിയായിരുന്നു.
പറ്റിപ്പോയി എന്നു പറഞ്ഞാല്‍ മതിയല്ലോ ....അടുത്ത പ്രാവശ്യം എങ്കിലും വേറെ ഏതെങ്കിലും ഫ്ലൈറ്റില്‍ ടിക്കറ്റ് എടുക്കാന്‍ തോന്നണമേ എന്ന് ആത്മാര്‍ത്ഥമായി ആഗ്രഹിക്കുന്നു.
ഈ പോസ്റ്റ് ഇടുമ്പോള്‍ ചേട്ടന്‍ അവിടെ ഇരുന്നു ഉറങ്ങുകയാവും, അല്ല്ലെങ്കില്‍ ഉറക്കം തൂങ്ങുകയാവും.
“അബുദാബിയില്‍ ഇന്നു ഭയങ്കരമായ മൂടല്‍മഞ്ഞ് ഇല്ല.”
Wednesday, November 21, 2007
എയര്‍ ഇന്‍ഡ്യാ എക്സ്പ്രസ്സ്.,,, ശരിക്കും “എക്സ്പ്രസ്”‘ സര്‍വീസ്.
Subscribe to:
Post Comments (Atom)
Popular Posts
-
ബീമാപ്പള്ളി എന്ന പേരില്‍ ഒരു ബ്ലോഗ് ഞാന്‍ സ്ഥിരമായി വായിക്കുന്നുണ്ട്. അതില്‍ കമന്റ് ഇടാറില്ലായിരുന്നു. അതില്‍ കമന്റ് ഇടാന്‍ മാത്രം എന്നെ സ്വ...
-
പലയിടത്തും പല ബ്ലോഗിലും കമലാ സുരയ്യയ്ക് ആദരാഞ്ജലികള്‍ അര്‍പ്പിച്ചു കൊണ്ടുള്ള പോസ്റ്റുകള്‍ കണ്ടു. ചിലയിടത്ത് അവരുടെ ജീവിതത്തെ പറ്റിയുള്ള വിശക...
-
എന്നും കണികാണുവാന്‍ കുട്ടികളുടെ കബന്ധങ്ങള്‍ ഒരുക്കി തരുന്ന ഇസ്രയേയി കൊലയാളികള്‍ക്കെതിരെ ചെറുവിരല്‍ അനക്കാന്‍ തയ്യാറാകാത്ത കപട ലോകമേ ലജ്ജിക്ക... -
ദിവസവും പല പ്രാവശ്യം പരസ്യത്തില്‍ കേള്‍ക്കുന്ന ഒരു വാക്കിനെ പറ്റി സംശയം തീര്‍ക്കാന്‍ പത്തു വയസ്സുകാരന്‍ മകന്‍ അമ്മയോട് ചോദിച്ചു "കോണ്ടം...
-
കഴിഞ്ഞ പോസ്റ്റില്‍ ( ഹിന്ദു പുരാണങ്ങള്‍ക്ക് അംഗീകാരം !!! ) ചര്‍ച്ച നടന്നതില്‍ നിന്ന് എനിക്ക് തോന്നിയത് ഇതൊക്കെയാണ്. ഭവിഷ്യപുരാണത്തെ പറ്റി ...
-
ഇന്നലെ ചാനലുകളില്‍ കണ്ട പൊങ്കാല എന്ന മഹാമഹം വളരെ കൗതുകം ഉണര്‍ത്തുന്നു. ഭക്തി എങ്ങനെ വാണിജ്യവല്‍ക്കരിക്കാം എന്നുള്ളതിന്റെ വ്യക്തമായ തെളിവു നല...
-
ഏഷ്യാനെറ്റ് “ഐഡിയാ സ്റ്റാര്‍ സിംഗറില്‍” നിന്നും കഴിവുള്ള പാട്ടുകാര്‍ പുറത്തു പോകുന്നു എന്ന് തോന്നിയിട്ടുണ്ടോ? ഉണ്ടെങ്കില്‍ അവര്‍ പറയും അത്‌ ...
-
ചാന്ദ്രയാന്‍-1 , INDIA's First Mission to Moon ഇന്ത്യയുടെ ചന്ദ്രയാത്രാ പദ്ധതിയുടെ ഭാഗമായി മനുഷ്യരില്ലാതെ വിക്ഷേപിക്കുന്ന ആദ്യ പേടകം(ഉപക...
+copy.jpg)
8 comments:
ഓഹ്.... ഇത്ര പെട്ടെന്ന് അങ്ങ് എത്തിയല്ലോ എന്നോര്‍ത്ത് സമാ‍ധാനത്തോടെ സംസാരം ആരംഭിച്ച ഞാന്‍ ചേച്ചിയുടെ ചോദ്യം കേട്ട് ശൂ‍ന്യമായി പോയി...
‘ചേട്ടന്‍ ഇപ്പോഴും അബുദാബിയില്‍ ആണെന്ന് വിളിച്ചു പറഞ്ഞു, , ഒന്ന് അന്വേഷിക്കാമോ?” എന്നാണ് ചോദ്യം.
എന്റെ പൊന്നേ..ഞാന്‍ ഡിസംബര്‍ 18 നു ഈപ്പറഞ്ഞ വണ്ടിയില്‍ നാട്ടില്‍ പോകാന്‍ ടിക്കറ്റെടുത്തിട്ടുണ്ട്, പിറ്റേ ദിവസം 19 ന് ശബരിമലക്കു പൊകാനായി എല്ലാ ഏര്‍പ്പാടു ചെയ്യുകയും ചെയ്തിട്ടുണ്ട്...സ്വാമിയേ ശരണം..!
പേടിപ്പിക്കുന്ന ഇത്തരം പോസ്റ്റുകള്‍ ഞാന്‍ വായിക്കൂലാ.. എന്തിനു മനസ്സമാധാനം കളയണം?
ഇതാ‍ണ് ബജറ്റ് എയ‌ര്‍ലൈന്‍സ്സ്.
അവരുടെ terms & conditions വായിച്ചു നോക്കൂ. അതിലൊരു പ്രൊവിഷനുണ്ട്. ഞങ്ങ‌ള്‍ക്ക് ഫ്ലൈറ്റ് എപ്പോ വേണേലും കാന്‍സല്‍ ചെയ്യാമെന്നും നിങ്ങ‌ള്‍ അതും പറഞ്ഞ് കയ്യും കാലുമിട്ടടിച്ചിട്ട് ഒരു കാര്യവുമില്ലെന്നും മറ്റും.
കുഞ്ഞാ.. 41-നു മുമ്പ് എത്തിയാല്‍ പോരേ.....
നിഷ്കളങ്കാ... അതിലെ ആ ‘ബജറ്റ് ’ആണ് എല്ലാവരേയും വഴി തെറ്റിക്കുന്നത്.
ഗള്‍ഫില്‍ നിന്നും എം.കെ.മുനീര്‍ വന്ന എയര്‍ ഇന്ത്യ വിമാനം വൈകിയതിന് പ്രവാസികളോടൊപ്പം നിന്ന് പ്രതികരിക്കുന്നത് ടി.വി.യില്‍ കണ്ടു. പരിമിതമായ ലീവില്‍ എത്രയും പെട്ടെന്ന് വീടണയാന്‍ വരുമ്പോള്‍ ഇതൊക്കെ മനസ്സിനെ വല്ലാതെ ഉലയ്ക്കും. ഇതിനൊക്കെ ഒരറുതി ഉണ്ടാവുമെന്ന് പ്രത്യാശിക്കാം പ്രാര്‍ത്ഥിക്കാം.
ഉം..ചേട്ടന്‍ പോയി.. ഇന്നു വൈകുന്നേരം 4.45-നു വിമാനം പോയി എന്നറിയുന്നു. 2 നേരം ഭക്ഷണം കൊടുത്തു എന്നു ചേട്ടന്‍ പറഞ്ഞു.
അനിലേ,
ഇതൊന്ന്‌ വായിച്ചിട്ട്‌ ചേട്ടനോട്‌ ഒരു പരാതി എഴുതികൊടുത്തിട്ട്‌ വരാന്‍ പറ.
ചിലപ്പോള്‍ വല്ലതും നടക്കും. വക്കീലമ്മാരൊന്നും വേണ്ട. നേരിട്ട്‌ പരാതി നല്‍കാം. അടുത്തെങ്ങാനും വല്ല ഉപഭോക്തൃ സംരക്ഷണ സമിതിക്കാരുണ്ടെങ്കില്‍ അവരോട്‌ ഈ കേസ്സൊന്നെറ്റെടുക്കാന്‍ പറഞ്ഞാലും മതി. കിട്ടിയാല്‍ ഊട്ടി, ഇല്ലേല്‍ ചട്ടി. മറ്റു ചിലവുകളോന്നും ഇല്ല.
ഇവിടെകിടന്നു നിലവിളിച്ചിട്ടു യാതൊരു കാര്യവുമില്ല. കേരളത്തിലെ എയര്‍പോര്‍ട്ടുകളെ തകര്‍ക്കുവാന്‍ വേണ്ടി ഒരു ലോബി തന്നെ നിലവിലുള്ള സ്ഥിതിക്ക് തുടര്‍നും ഇതു തന്നെ പ്രതീക്ഷിച്ചാല്‍ മതി. മൂന്ന് കേന്ദ്രമന്ത്രിമാരുണ്ടായിട്ടെന്തു കാര്യം. തമിഴ്നാടിനും മറ്റും കിട്ടിയതു കേന്ദ്രമന്ത്രിമാരും, നമുക്കു കിട്ടിയതു കോ...... മന്ത്രിമാരുമായിപോയി..
Post a Comment